Дунияллул лачIунбуккаврил кубокрайн Белградрайн нанисса Аьрасатнал цачIундур командалул бакIчину ивтун ур Аьбдурашид Сяъдуллаев. Му хавар бувсунни Республикалул Спортрал министерствалий.
Кубокрал бяст-ччаллу хьунтIий бур декабрьданул 16-18-нний.
Билаятрал цачIундур командалуву гьуртту хьунтIисса ацIуннавату урч1а ур дагъусттанлув. Аьрасатнал цачIундур командалуву бур: Заур Угуев, АьппасхIажи МахIаммадов, ХIажимурад Рашидов, Разамбагь Жамалов, АхIмад Усманов, Даурен Куругълиев, Аьлихан Жабраилов, Аьбдурашид Сяъдуллаев, Шамил Шарипов.
Дунияллул ЛачIунбуккаврил кубок хьунтIий бур Дунияллул чемпионатран кIанай. Чемпионат къархьуну дур коронавирусрал инфекция сававну ва мунийн цаппара хьхьичIунсса билаятирттал спортсментал бучIан инкар шаврийну.
Шиккува бусан, Аьрасатнал цачIундур команда дунияллул Кубокрай ххув хьуссар 7-ла. ДукIу Якутскалий хьусса турнирданий Аьрасатнал командалул дурххуссар 10 медальданува 9.
