Декабрьданул 16-нний ДР-лул ХIукуматрал Председательнал 1-ма хъиривчу Анатолий Карибовлул каялувшиврий дунни КОВИД-19 азарданул къашайшалт дарурттал щаллу баврил хIакъиравусса батIаву.
Анатолий Карибовлул тIимунийну, республикалий гьарза хъанай бур коронавирусрал къашавайсса инсантал. Мунияту азарханардай чIяву бувну бур койкарду, гужлан дурну дур къашайшалт хъин баврил ялув бацIаву – шаппаминналгу, азарханардайминналгу. Дузал бувну бур шаппа хъин буллалими дарурттал щаллу баврил масъалагу. ХIакинтурайн тапшур бунни ичIува хъин хъанахъиминнал ялув бацIаву дуван.
Яла республикалул азарханардал хъуними хIакинтурал бувсунни цачIарасса тагьардая, дарурттал луртанная.
БатIаврий тапшур бунни азарханардал каялувчитурал дузал дуван чанна-чанну 2 зуруйсса дарурттал луртан.
Ми циняв масъаларттал ялувбац1аву дуллай бур ДР-лул БакIчи ва региондалул ХIукумат.
