ВАНАТИЛ АРС КЬУРБАНОВ АЬВДУЛХАЛИКЬ
Декабрьданул 10-нний, оьрмулул 88 шинаву, хъун бакъасса хIаллай къашавайгу ивкIун, жуятува лавгунни ххаллилсса лаккучу Кьурбанов Аьвдулхаликь.
Аьвдулхаликь увну ур 1932 шинал Кьукуннал шяраву Ванатил ва ХIуруннул кулпатраву. ОьрчIнийва ванан ккавккун бур биялсса захIмат. Ванал бутта Ванати зий ивкIун ур УзбакIисттаннал Тебриз шагьрулий та заманнайсса лакку пишалул усттарну. Ва зирангсса оьрчI ур, ттул урчIамур ка хьунссар ванаяту куну, Кьукнив 4 класс къуртал байхту, оьрмулул 10 шинавусса арс Аьвдулхаликьгу увцуну ур цащала.
Амма ванал пагьмугу, гьунаргу ляличIину ялун ливчуну бур, шанна шинай армиялул буржгу лавхъун, МахIачкъалаллал 1736 Автоколонналийн зун увхсса чIумал. Шиккува, 1953-ку шиная айивхьуну, сайки оьрмулул 85 шин хьуннин зий уссия слесарь-автомеханикну. Цува зузиссаксса хIаллай ванал дуллуну дур ттуршунничIан дирсса, давуртту сантирайн дутансса, рацпредложенияртту, мунихлуну лайкь хьуну ур «Заслуженный изобретатель (рационализатор) Республики Дагестан» тIисса цIанин.
Мукуна ларайсса ккаккиярттахлу лайкь хьуссар «За трудовую доблесть», «Ветеран труда» медаллан, «Заслуженный работник транспорта Республики Дагестан» цIанин ва чIярусса грамотарттан.
Аьвдулхаликь ичIува уссия хъинну аькьилсса, бусаймургу, баймургу эбратрансса инсан. Ниттиуссил ттун кIилчинма бутташиву дурссар, учайссия ванал ссил арс Ссалам Хавчаевлулгу.
Аьвдулхаликьлул ва Сиянатлул хъуни бувну, ччаннай бацIан бувссар мукьва ххаллилсса душ.
Аьвдулхаликьлул бунагьирттал аьпа баннав, цал рухI алжаннул ххари даннав тIий, ванал кьурчIисса бивкIулул къумашиву кIидачIлай, дакIнийхтунусса жижара буллай буру кулпат Сиянатлухь, душваврахь – Тамарахь, Гульнарахь, Заирахь, ХIуруннухь, ссил арс Ссалам Хавчаевлухь ва махъсса цинявппагу гъан-маччанахь.
Кьукуннал жямат
Аьвдуллагьлул арс МахIаммадов МахIаммад
Октябрь зуруй нязаннивсса оьрмулий хархавар бакъасса бивкIулул жуятува батIул увунни МахIаммадов МахIаммад Аьвдуллагьлул арс. МахIаммад увну ур Лакрал райондалий Хьурттал шяраву 1958 шинал. Автоххуллурдал техникумгу къуртал бувну, Приборду дай заводрай зий ванал тамансса шинну дурссар. Муния махъ, буттал шяравунай зана хьуну, совхозрай шоферну зий уссия.
2002-ку шиная шинай зий уссия Гъумук Энергосбытрал кассир-операторну.
МахIаммад цала даву кIулсса, даврил гьалмахтуращал хIал бавкьусса, дакI-аьмал хъинсса, аьчухсса, аьркиннал чIарав ацIайсса чув уссия.
Шяраваллил мажлисирттай ванал цIу буну тямадашивугу дувайссия.
Кулпатран ххаллилсса лас, оьрчIан лайкьсса ппу, жяматран бусравсса шяравучу ия.
МахIаммад аьпалухьхьун лагаврил пашманшиву кIидачIлай, дакIнийхтунусса жижара буллай буру ванал кулпатрахь, гъан-маччаминнахь. РухI хъинний дишиннав, алжаннул ххари аннав!
Хьурттал жямат, дустал, гьалмахтал
Хъуннасса пашманшивугу кIидачIлай, дакIнийхтунусса жижара буллай буру Акаев Шамиллухь, ванал аьзизсса кулпат
Роза
чIун дакъасса бивкIулул жуятува батIул баврийн бувну.
Цил бунагьирттал аьпа баннав, рухI рахIатний дишиннав.
«Илчилул» редакция
Жунма цинявннанмагу бусравсса, хьхьичIунсса инсан
Оьмал душ Роза
аьпалухьхьун лагаврийн бувну, хъуннасса къумашивугу кIидачIлай, дакIнийхтунусса жижара буллай буру лас Шамиллухь, арсурваврахь – ХIажимурадлухь ва МахIачлухь, душ Азинахь, уссу-ссурваврахь ва щалагу агьулданухь. Цил бунагьирттал аьпа баннав, гьав нурданул дуцIиннав.
ГьунчIукьатIрал ккуран
ЗахIматсса цIуцIаврища ххассал къавхьуну, жуятува личIи хьунни уздансса, хIурмат лавайсса, ГьунчIукьатIатусса
Акаева Роза.
Мунил бивкIулул къумашиву кIидачIлай буру ласнахь Шамиллухь, арсурваврахь, душнихь, уссихь, ссурваврахь. Алжаннул ххари баннав цув. Махънал оьрмурдай барачат бишиннав.
Аьбдуллаев Аминнул кулпат, уссур-ссу
ДакIнийхтунусса жижара буллай буру Ибрагьимлул арс Абакаров Сяъдуллагьлухь, ванал ххирасса нину
СахIибат
аьпалухьхьун лагаврийн бувну. Алжаннун нясивну лякъиннав цув.
«Илчилул» редакция
ДакIнийхтунусса жижара буллай буру Юлиана МахIаммадовахь, ванил аьзизсса нину
ПатIимат
ахиратрал шаврийн бувну. Цил бунагьирттал аьпа баннав, рухI паракьатний, дишиннав! Алжан нясивну лякъиннав!
Лакрал театрданул коллектив
Жуна цинявннан кIулсса, бусравсса инсан, цIанихсса хIакин-травматолог, профессор,
Аьлил арс Абакаров Абакар
аьпалухьхьун лагаврийн бувну, хъуннасса пашманшивугу кIидачIлай, дакIнийхтунусса жижара буллай буру Абакардул ичIуваминнахь, щалагу агьлу-авладрахь. Имандалий лавгун хьуннав, рухI бигьаний дишиннав!
АьбдурахIман Адамовлул кулпат
«Илчи» кказитрал зузалтрал чулухату хъуннасса кьурчIишиву кIидачIлай буру жула даврил уртакь Камила Абакаровахь, ванил буттауссу
Абакар
жуятува батIул шаврийн бувну.
Алжаннул ххари аннав, махъминнал оьрмурдай барачат бишиннав!
«Илчилул» редакция
Ттигу вих бакъа буру
Вана ца цIана зувива гьантта хьуну бур жула ххаллилсса зунттал чув, яхI-къириятрал заллу, Ширванинал арс АхIмадов Камил жуятува лавгун. Ва дакIнин утлай, ванащал дуклай бивкIминнал цIания ца-кIива махъ чичин ччай бура.
Жу 1963 шинал лавгссару ГьунчIукьатIрал школалул хIадур бай классравун, дуклайгу бивкIссару 1972 шинайннин архIал. Му шинал бувккуссия жу 8 класс. Камил гиччава най уна итххявхсса, гьарцаннан ка-кумаг бан ччисса, бувсъсса мукъуй цIу бусса, дуллалимунивух гъирарай хIала уххан ччисса оьрчI икIайва. Укунсса инсан ххирагу цукун къахьунссия.
Вайксса шиннардий цачIу дуклай, ттун тачIав дакIний бакъар ванал чулуха царагу щилтагъсса тIул, цаягу учительнал ванай аьй дурсса чIун. Мунияту ванал бивкIулул кьурчIишиву жун лялиян дангу хъинну захIматну бур, ттигу вих бакъа буру. Камил дунияллия лагаву, уссур-ссуннан бакъасса, жун, архIал дуклай бивкIминнангу, щарнил агьулданунгу хъинну кьувтIусса бивкIу хьунни. Ва ия мусил хасият дусса ляличIисса дакIнил заллу.
Тти шанашу, Камил,
Абадул абад,
ХIайп тIийнма вил хъирив
Жу ливчIуннуча.
Къиялий лавкьусса
Ми чанна яру
ЗахIматну бур вих хьун
КъатIитIиншиврийн.
Ца-цаннал кьадиртсса
Пана дуниял
Къакьаритан ххива
Ина бигьанна.
АрхIал дуклай бивкIминнал цIания Къушихъал Саида
