«Местные инициативы» тIисса республикалул проектрал лагрулий Гъумук байбивхьунни дакьин дуллай 13-мур ттуршукулийсса тарихрал ва архитектуралул гьайкал «Чарван-Сарай».
«Местные инициативы» тIисса республикалул проектрал лагрулий Гъумук байбивхьунни дакьин дуллай 13-мур ттуршукулийсса тарихрал ва архитектуралул гьайкал «Чарван-Сарай».
Му проект щурущи дурну дур республикалул Экономикалул министерствалул сипталийну, жяматийсса инфраструктура хьхьичIуннай дансса кIанттул цилакаялувшиндарал органнацIунсса кабакьулун.
2020 шинал конкурсрай ххув хьуну бур 27 муниципалитетрайсса 73 объект. Миннувун багьну бур Гъумуксса «Чарван-Сарайгу».
Архитектуралул гьайкал дурну дур 13-мур ттуршукулий, Ккавкказнава ва ЧIивимур Азиянавасса савдажартал гьантта бикIавансса хIаят хIисаврай. ХIаятрал лагма бивкIун бур базар. Проектрал лагрулий дакьин дантIий бур магъи, бантIий бур чурттурду, дишин тIий бур нузру, буцинтIий бур чани, мурхьру бувгьуну, бакьин бантIий бур лагма-ялттусса кIану.
Проектран аьмну итадаркьуну дур 2 млн ва 200 азарда къуруш: вайннува 1 млн ва 300 азарда къуруш – республикалул бюджетрава; 215 азарда къуруш – кIанттул бюджетрава; 682 азарда къуруш – меценатътурал арцу.
