Барча бавуртту

ДакIнийхтуну барча дуллай буру Москавливсса «Дагъус­ттан» Культуралул центрданул президиумрал член, Мариян Илиясовал цIанийсса «Дараччилул» Москавливмур филиалданул активистка ХIажинал душ Башанаева Гулизар бувсса кьини.

Ва жул центрданул ва фондрал дуллалисса давурттавух мудангу чялишну хIала буххайсса, миллатгу, Дагъусттангу ххирасса, цищава шайсса хъинбала ватандалул агьулданунгу буван анавар бувкнувасса инсан бур. Центрданул хъаттиралусса медициналул зузалтрал Ассоциациялул хъунмургур.

Опыт бусса психолог, профе­ссионал (ва психологиялул элмурдал кандидат бур) Гулизар ХIажиевна хаснува ва пандемиялул ппурттуву агьалинан мюнпатсса маслихIатру буллай, шайкун чIарав бацIлай бур, цIуцIи шанийн агьманан дакI цIимисса цIимилул чувну бур, ссу аьркиннан ссушиву дуллай бур.

Ванил дакI хъиншиврул бутIа бивсса Москавливгу, Дагъусттаннайгу чIявусса бур. ЦIакьсса цIуллушиву, хъуни-хъунисса ххаришивуртту, дуллалимуниву тIайлабацIу чIа тIий буру хIурмат бусса Гулизар ХIажиевнан. ДакIнийцири мурадру бартлаганнав!

Москавливсса «Дагъусттан» Культуралул центрданул члентал, Мариян Илиясовал цIанийсса «Дараччилул»

Москавливмур фондрал душру

 

Ноябрь зурул 20-нний увну ур жул кулпатран хъинну ххирасса ва хIурмат бусса Шалласуев Шалласу Рамазаннул арс.

Увсса кьинигу барча дуллай, чIа тIий буру цIакь­сса цIуллушиву, талихI-тир­хханнарайсса оьрму, гьарца ишираву тIайлабацIу. Ина вила кулпатрал, оьрчIал, оьрчIал оьрчIал ххари уллай, оьрмулул уччиннин итаннав. ДакIнийсса мурад-хияллу бартлаганнав!

Ина ххирасса Загьиди
ва Муъминат Аьбидовхъал кулпат