Вай гьантрай МахIачкъалалив 69-мур оьрчIал багъраву най бивкIсса щалагу Аьрасатнал «Воспитатель года- 2020» конкурсрал хIасиллу дунни. Шикку гьуртту хьунни 28 педагог.
Имара Саидова
[dropcap]Б[/dropcap]илаятрай хIасул хьусса тагьаргу хIисавравун ларсун гьашинусса конкурс бувну бур оьрчIру ва тамашачитал хIала бакъанма.
Цалчинмур кьини конкурсрал гьурттучитурал ккаккан бунни мастер-классру. «Мой успешный проект» ва «Профессиональный разговор» тIисса доклад-презентациялул хIасиллайн бувну язи бувгьунни хьхьичIунми пишакартал.
Жюрилуву бия ДР-лул КIулшивуртту дулаврил министерствалул, КIулшивуртту хьхьичIуннай даврил институтрал, Тахо-Годил цIанийсса институтрал, педагогикалул ВУЗ-рдал ва колледжирттал вакилтал.
Гьашинусса конкурсрал хIасиллайн бувну цалчинмур кIану бувгьунни шагьрулул 88-мур оьрчIал багърал педагог Къиза Масуевал. КIилчинмур кIану кIибавчIунни Къизилюртуллал шагьрулиясса Аьйшат Каримовал ва Дарбантуллал райондалиясса Жамила Саэдовал. Шамилчинми кIанттурду бувгьунни Избербаш шагьрулиясса Мариям Сулаймановал, Буйнакскаллал райондалиясса Сабина Умалатовал ва Дахадаевский райондалиясса Мальвина Булкаковал.
Конкурсрал кьануннайн бувну утти Къиза Масуева гьуртту хьунтIиссар Москавлив хьунтIисса конкурсрал финалданийгу.
