ИчIаллицIунсса маслихIатру

ИчIаллицIунсса маслихIатру

КIинттулнинсса хIадуршин

ЦIана ттучаннай ччимур журалул консерварду дур. Амма яла нахIумурну хIисав дару жура шарда дурмур. Бюхъайссар шарда жула карунних дурмур ца-ца чIумал цIуллу-сагъшиврун нигьачIисса дикIангу.
Ци нигьачIишиву дикIан бюхъайссар шарда дурсса консервардая?

Цинярдагу дукиялийх чIун наниссаксса зия хъанай, мяххи дакьлай дачай. Ми зия хьун кьадиртуну, хъунмасса хIаллай яхьуншиврул аьркинссар:
1. Стерилизовать дан (щаращи дан);
2. МикI лачIун дан;
3. Кьакьан дан, цIил щинаву дишин.

-ЦIил бувсса калан (квашенная капуста) яла нигьачIишиву дакъамурди тIар.
-Яла бигьамур ва яла вихшаламур шардаллил консервану хъанай дур стерилизация (щаращи даву).
-Шарда дан бучIиссар ахънилсса, ахъулсса, хIаллил ахъул­сса.
-Амма шарда консервировать дуллан къабучIиссар дикI, балугъ, ттуккул нисру.
-Хъинну ялув бавцIуну, мугъаятну личIи даван аьркинссар консервировать дан нанисса ахънилсса, ахъулсса:
-Экьинанисса щинал лув дирхьуну, ххуйну шюшин аьркинссар ми кIукIлусса щеткагу ишла дурну.
-Банкарду, кьалакьив, марцI дурну, шюршуну, щаращи къадурну ишла мадувару.
ДакIний битияра ботулизмалул палочка дусса банкалул цукунчIавсса дахханашиву къадикIайшиву (кьанкьгу, тIингу, ранггу даххана къа­шай­­ссар). Муниятур га ни­гьа­чIиссагу.
Гьаннайсса, аьркинсса тIа­лавшиннарай марцIшивугу дурурччуну, дуллалияра консерварду.
ЦIуллуну битаннав.

Читайте также: