Виричу яхъанай ивкIсса къатрал чIирай ула дирхьунни

АхIмад-Хан Султаннул арснал душ Вероника Амет- Хан ласнащал ва арсурвавращал

Октябрь зурул 20-нний Жуковский шагьрулийсса Маяковскийл цIанийсса кучалийсса къатрал чIирай Виричунал цIанищалсса барельефращалсса ула дирхьунни.


Вай къатрайн «Виричув махъа- махъ даврил иширай увксса ва зана къавхьусса къатри» учай. Вана зана хьуну. Цува увну 100 шин хьусса чIумал. Ула тIитIаврил шадлугъгу дайдирхьуна шагьрулул администрациялул хъунама Прохоров Юрийл ва Виричунал арснал Станиславлул душнил Вероника Амет-Ханнул. Шагьрулул администрациялул къуллугъчитал бакъассагу, шадлугърайн бувкIун бия Къиримнал ва Дагъусттаннал агьлугу.

Барча буллалисса махъ лавхъуна Москавливсса «Да­гъусттан» культуралул центрданул вице- президент Астемир Щайхаьлиевлул. Къирим-татарнал агьулданул цIанияту барчаллагьрайсса махъ лавхъуна Москавливсса къирим- татарнал ккурандалул хъунама Эдем Умеровлул.

Мероприятиялий гьуртту хьуна Москавлив дуллалисса цурда ца ккалли дан­сса мероприятие лях гьан къаритай­сса Заур Нахаев, Юсуп Сагиров, МахIаммадхIажи Загьидинов (суратру ваналли). Улттул автор Айдер Аьлиев тIисса Къиримнал скульптор ур. Ула тIитIаврил шадлугъ къуртал хьуну махъ Культуралул къатраву ккаккан дурна концертрал прог­рамма.