Ветерантуран телефонну бахшиш дунни

Щалагу билаятрай нанисса Хъунмасса Буттал кIанттул цIа­нийсса дяъвилул ветерантурайх, инвалидтурайх уква оьвчин шайсса сим-картардащалсса телефонну дачIлачIисса акциялувух гьуртту хьунни ЦIуссалакрал районгу. Райондалул администрациялул бакIчинал хъиривчутал Султан ХIамзатов ва ХIажи ХIажиев Культуралул, жагьилтурал политикалул, спортрал ва туризмалул управлениялул вакилтуращал бивунни райондалийсса кIиягу ветеранначIан: Буттаев АьлиллучIан ва Аьлимов АьвдулхаликьлучIан.


Андриана Аьбдуллаева
ДакIнийн бутан, «Единая Россия» Генсоветрал Президиумрал хъинчулий ккавк­ссия 2020 шинал Хъунмасса Бу­ттал кIанттул цIанийсса дяъвилул участниктал ва инвалидтал цала аякьалийн ласунсса, ми телефоннал дузал бансса «Ххувшаврил волонтертурал» сипта. Вайннал чул бувгьунни Связьрал ва массовый коммуникациярдал министерствалул ва сотовый оператортуралгу.

Райондалул администрациялул вакилтурал бувсунни ветерантурахь акциялул мурадрая, бувчIин бунни миннаща бусса оьрмулий телефондалувух уква гъалгъа тIун бюхъаншиву. Ветерантал ххари хьунни цанна дур­сса бахшишрая. Вайннал барчаллагь увкунни райондалул администрациялухь ва миннал биялдарайсса идарарттахь, мудан цахра дуллалисса аякьалухлу.
Мукунма хъунмасса барчаллагь увкунни Ххувшаврил волонтертурахь, ххаллилсса акция дан дакIнийн багьну тIий.