Ххал бунни школарттал столовайрду

Ххал бунни школарттал столовайрду

ЦIуссалакрал райондалул бакIчи МахIаммад-ХIажи Айдиевлул, КIулшивуртту дулаврил управлениялул вакилтуращал ва дуклаки оьрчIал нитти- буттащал райондалул цаппарасса школардал ялтту увккун, ххал бунни мюрщи классирттал оьрчIан гъилисса дукра даврил масъала цукун бурив.


Андриана Аьбдуллаева
Ххалбигьавурттаву гьуртту хьунни кIулшивуртту дулаврил масъаларттаха зузисса райондалул хъунаманал хъиривчу ХIажи ХIажиев, КIулшивуртту дулаврил управлениялул хъунмур Светлана Кудаева, вара управлениялул пишакар Аида Джиржисова, школалул столовайлийн дуки- хIачIия итадакьлакьисса М. МахIаммадов, нитти-буттал комитетрал вакилтал. Школалийн бухханнин ххал дунни вайннал температура, дунни каруннал дезинфекция.

Столовайлийн буххайни лаххан бунни халатру. Делегациялул ххал бунни дукра дуллалисса кIанттурду, меню, мукунма оьрчIан дур­сса ахттайнссаннул тIин-тIааьн. Райондалул бакIчинал ихтилат бунни цIигьуртуращал ва столовайлул техперсоналданущал. Дуклаки оьрчIащалмур ихтилат ахттайнссаннух хьунни. МахIаммад-ХIажи Айдиевлул цIухху-бусу бунни оьрчIахь дукралул хIакъираву.

2020- 2021-ку дуккаврил шинал ЦIуссалакрал райондалул школардай гъилисса дукра дуллантIиссар 3095 дуклаки оьрчIан. Ххалбигьавуртту дурсса кьини школардай дия ДР-лул Роспотребнадзорданул КIулшивуртту дулаврил министерствалущал бавкьуну дурсса ацIва гьантлул меню. КIицI лаган, гьарица школалий столовайрду цакуццуйсса бакъанугу, цинявннуву дурур­ччуну дур Роспотребнадзорданул тIалавшиннарду.

Дузалну бур аьркинсса оборудованиялул ва тIахIни-кIичIулул. Дуки-хIачIия ядуллалисса кIанттурду бур тIалавшиндаран лавхьхьуну. Ххалбигьавуртту къуртал хьуну махъ райондалул бакIчинал тапшур бунни инвентаризация дан. Му дайхту столовайрдан ххишаласса инвентарь итадакьин­сса пикри бур.

Аватар

Андриана Абдуллаева

Андриана Абдуллаева

Читайте также: