Августрал 13-нний ДР-лул Шяраваллил хозяйствалул ва бакIлахъиялул министерствалий хьунни Дагъусттаннал ЗахIматрал министерствалул 2020 шинайн хIадур дурсса Антикризисрал программалул презентация.
Программалий ккаккан дурну дур давурттая букьан буван бюхъайсса ягу чIумуйсса зузисса зузалтран бачIи-кьачIисса бунугу даврил хIакь булун бюхъаншиврул, давурттал дузал байминнан субсидиярттал журалийсса мероприятияртту бартдигьаву.
Муний гьуртту хьунни ДР-лул шяраваллил хозяйствалул ва бакIлахъиялул министр Абзагьир ХIусайнов, ДР-лул экономикалул ва территориярттал лябуккулул министр ХIажи СултIанов, ДР-лул ЗахIматрал ва социал иширттал министерствалул, Налогирттал къуллугърал вакилтал, миниципал сакиншиннардал бакIчитал ва цаймигу.
Цаппара идарарттай давуртту чан шаврицIун ва коронавирусрацIун бавхIуну чIумуйсса идарартту къазий бушиврийну тагьар оьнийн къадагьаншиврул, ДР-лул ЗахIматрал министерствалул 2020 шинал Дагъусттаннай дузрайн дуккан дуллай бур захIматрал рынокрай чIуяву лагь дувансса Антикризисрал программа. Муний ккаккан бувну бур юридий идарарттан ва цивппалу зузисса ишбажаранчитуран конкурсрал гьанулий субсидияртту булун.
Давурттал дузал бувултран субсидияртту буллалиссар давуртту дакъа личIан бюхъайсса зузалтран чIумуйсса давурттай битаншиврул ми зузалтран бачIи-кьачIисса (частичная оплата труда) даврил хIакь булунсса каши дикIаншиврул.
ПаччахIлугърал субсидияртту булайссар, агарда ми дулунсса идаралул бакъахьурча налогирттал, страховой взносирттал буржру, аькIри ва м.ц.
БатIаврий идарарттал вакилтурал суаллахьхьун жавабру дуллунни министерстварттал калувчитурал.
