ДР-лул захIматрал ва социал лябуккулул министр Изумруд МухIуттиновал цила даврил графикрай мудангу чIун лякъай мушакъатминнал чулухасса вакилтуращал хьунабавкьуну, гайнналми масъалартту щаллу бансса. Уттигъанну ва хьунабавкьунни «Дагъусттаннал жагьилсса инвалидтал» тIисса жяматийсса сакиншиндарал каялувчи ХIайбуллагь МахIаммадовлущал.
З.АьбдурахIманова
[dropcap]Ш[/dropcap]икку вайннал ххал бивгьунни цачIу щаллу бан бюхъантIисса цаппара масъалартту ва пандемиялул чIумал мушакъатминнан бувсса кумаграл давуртту. ХIайбуллагьлул министрнахь бувсунни ванил чIарахбацIаврийну мушакъатсса хъаннин цIа куну щурущи бувсса курсирдаягу. Шикку лахьхьин буллантIиссар щашлан, кюрщантирттай накьичру дихьлан ва янна дурухлан. Курсру тIитIлатIиссар «Социал творчествалул дуссукъатта» тIисса проектрал лагрулий.
Вайннал мукунма ххал бивгьунни МахIачкъалалив чани чансса инсантуран автобусру ва троллейбусру цивппа бавцIусса ликказандалучIан та биянтIиссарив бусласисса мобил приложение щурущи даврилмур суалгу. Ва приложение мяйжаннугу жула хъуншагьрулий ишла дан бюхъарча, яруннин чани чансса инсантуран цукссагу бигьашиву хьунссия. ХIайбуллагь МахIаммадовлул цала чулуха ялагу тавакъю бунни Изумруд МухIуттиновахь чIал къавхьуну хьунтIисса «Территория равенства» тIисса Ухссавнил Ккавкказуллал интеграциялул ва кIулшивуртту дулаврил форумрайгу гьурттушинна дан бучIан.
