ЗахIматрах хIакь къабулун къабучIиссар

ЗахIматрах хIакь къабулун къабучIиссар

Жулла республикалий шиная шинайн чан хъанай бур, цала зузалтран шиннардий харж къабуллай бивкIун, хъуни­сса буржру хьуну бивкIсса предприятиярду.

Зий ивкIсса инсаннан зурул хIакь къабулаву – му ганал ихтиярду зия дуллалаврин, хIукуматрал чулуха ихтиярду дуруччинсса чаранну къаляхъла­хъаврин ккаллиссар. Ва масъалалун хасну Дагъусттаннал каялувчитурал чIун-чIумуй буржлувсса предприятиярттал хъуниминнайнгу, жаваблувсса министерстварттал ва ведомстварттал вакилтурайнгу оьвкусса батIавуртту дайссар. Уттигъанну ДР-лул ХIукуматрал Председательнал хъиривчу Анатолий КарибовлучIа хьусса батIаврийгу ччясса мутталий зузалтран харжру булун аьркиншивриясса ихтилат хьунни.


ЗахIматрал ва социал лябуккулул министерствалул, чIун-чIумуй хъирив бувккун, цуми предприятиярттай циксса буржру хьуну бурив хъирив лавну, баян байссар ДР-лул ПаччахIлугърал захIматрал инспекциялийн.

Дурсса хъиривлаявурттайн бувну циняв буржлувсса идарарттал зузалтран дулун багьлагьисса 28,4 миллион арцуя ва шинал дуллуну дур 11,1 миллион арцул. Цала зузалтран буржру лавхъун бур «Махачкалаводоканал» ОАО-лул, «Буйнакс­кий агрегатный завод» АО-лул, «Горводоканал» ОАО-лул ва Хасавюртливсса «Чистая вода» ГУП-рал.

Харжру булун багьлагьисса 1356 инсанная зурул хIакь буллуну бур 938 инсаннан. Цала зузалтран буржлувну ттигу ливчIун бур «Авиаагрегат» ОАО ва Избербашрайсса радиозавод. ХIукуматрал хасъсса комиссия цIанагу зий буссар ва масъалалул хIакъираву.

Читайте также: