Янил чани ябаврил ххуллий

[dropcap]Д[/dropcap]агъусттаннай щурущи дурсса «ЦIуллу-сагъшиврул ара цIу дуккан дан» тIисса хIукуматрал программалул лагрулий Республикалул офтольмологиялул

азарханалун итабавкьуну бур уттизаманнул офтольмохирургиялул аппарат.  Ванил кумаграйну азарханалул къашайшалтрай буллантIиссар лахъсса технологиярттал каширду ишла дурсса операцияртту. Яъни, къашайшалал яруннай буллантIиссар бурчу, дикI къакьуркьунна, оь чанну бу­ккансса журалул операцияртту.


Республикалул яруннал азарханалул пишакартурал бусаврийну, цIусса оборудование зузи даврия ххуйсса кумаг хьунтIиссар региондалий­сса яруннал азарду хъин дуллалисса азарханардал давриву ва хьхьичIунмай хъит учинтIиссар офтольмохирургиялуву ца яла захIматссаннун ккаллисса яруннал жавгьардай бувайсса операциярттал даражагу.

Мукунна къулайсса дахханашивуртту хьунтIиссар катаракталул хирургиялувугу. ЦIусса оборудованиялул кумаграйну буллантIисса уттизаманнул журалийсса вай операцияртту хIакинтурал 10-30 минут1рал дянив буллантIиссар. Ва бакъасса, ххи хьунтIиссар цамургу къулайшинна. ХьхьичIва операция бувсса къашайшалал азарханалий 8 гьантта байсса бивкIхьурча, утти ца гьантлува къашайшала шавай тIайла уккантIиссар.

ДР-лул ЦIуллу-сагъшиврул министерствалул пресс-служ­балул бусаврийну, Республикалул яруннал азараханалий къашайшалтрай операцияртту буллантIиссар ОМС-рал полисрайхчин.