[dropcap]Р[/dropcap]остовуллал областьрал ГУФСИН-далул хъунаману ивкIсса Муслим Даххаев дуснакь аврил чIун уттигу шанма зуруйсса лахъи дунни.

А. Аьбдуллаева
ДакIнийн бутан, Дагъусттаннал виваллил иширттал министр­нал хъиривчуну , мунияр махъ республикалул УФСИН-далул хъунаману ивкIсса, 2017-шиная айивхьуну, Ростовуллал областьрал ГУФСИН-далий каялувшиву дуллай ивкIсса Муслим Даххаев увгьу­ссия областьрал ФСБ-лул зузалтрал паччахIлугърал кьюлтIшивуртту ашкара даврил хIакъиравусса уголов дело ххал дигьлагьисса чIумал, ларгсса шинал ноябрь зуруй.

Ноябрьданул 13-нний ва дуснакь ув­ссия кIива зуруйсса. Мунияр махъ ва дуснакьрай итаврил чIун шамийлла лахъи-утта лаган дунни.
Май зурул 13-нний Даххаев къуллугърая укьан увна. Вава зуруй Ростовуллал областьрал судрал дайдирхьуссия Муслим Да­ххаевлул хIакъиравусса дело.