Уттигъанну Къалмукьнаву МахIачкъалалия Москавлив нанисса автобус авариялувун багьну, шама инсан ивкIуну ур ва ряххуннан личIи-личIисса цIунцIияртту хьуну дур. Цурда авария хьуну дур хьхьунил ссят 2 хьусса чIумал автобусрал хьхьичIун «КамАЗ» бувккун. ДТП-луву захIматсса цIунцIияртту хьусса кIия къашайшала уцин Къалмукьнавун вай гьантрай тIайла дурккун дур Дагъусттаннал санитар авиациялул вертолет. Дагъусттаннал катастрофардал медициналул центрданул травматологнал ва реаниматологнал...
ДР-лул КIулшиву дулаврил ва элмулул министерствалул чIал къархьуну щурущи дантIиссар «Цифровая образовательная среда» тIисса федерал проект. Ванил кумаграйну республикалул педагогтуран ва дуклаки оьрчIан дулунтIиссар цифровой аралуву аьркин шайсса кIулшивуртту ва уттизаманнул компютердай зун лахьхьин буллантIиссар. З.АьбдурахIманова Гьашину проектравун лавсун бур 102 школа. Вай школартту материал- техникалул чулуха дузал баншиврул машан лавсун бур чIявусса функцияртту бусса...
Сентябрьданул 3-нний «Аьрасат – ттул тарих» тIисса музейраву чичинтIиссар щалва Аьрасатнаву хьунтIисса акциялул лагрулийсса «Ххувшаврил диктант». З.АьбдурахIманова Диктант чичаврил мурадрая бусласисса ва ванил сакиншинна ххал дигьлагьисса батIаву хьунни МахIачкъалалив ва ларгсса нюжмаркьини. Коронавирусрал тагьаргу хIисавравун ларсун, шикку мукунма ххал бивгьунни диктантрал гьурттучитал щябитаврил, маскардаву буххан-буккан битаврил низамгу. Сакиншинначитурал бусаврийну, диктант чичаврил мурадну хъанахъиссар жагьилмур никиран...
