Гьашину республикалий ахъулсса ххира хьуну дур. ДР-лул Шяраваллил хозяйствалул министерствалул ккаккиярттай бувну, ахъулсса ва ахънилсса ххира хьуну дур 10 процентрал – ттучаннайгу, базардавугу. Министерствалул зузалтрал тIимунийну, ми ххира хьуну дур гьашину марххалтту, гъараллу чанну дунутIий. Августрай яла чIявуну машан ласайми бакIлахъия дикIай къалпузру, къавунну, цIулит. ЦIанасса ппурттуву супермаркетирттаву къалпуз бур 1 кило 25 къурушран, къавун...
Лавгсса бигьалагай гьантрай хъуншагьрулул Кировский райондалул бакIчи СалихI Сагидовлул сакиншиндарай Эльтав заводрал чIаравсса вацIлуву хьунни субботник. Мукунсса субботникру райондалул бакIчинал дувайссар ччя-ччяни. ВацIа буруччиншиврул дуллалисса давурттах СалихI Сагидовлул мудангу дур ца яла хъунмур къулагъас. Субботникрайн ва кьини бувккун бия 100-нния ливчусса инсантал: райондалул администрациялул зузалт, общественниктал ва лагма-ялтту яхъанахъисса халкь. Му кьини вайннал дартIун дур...
Августрал 7-нний Каспий хьхьирил зуманив тIиртIунни сайки нюжмардий лахъи лагантIисса Фольклорданул ва аслийсса культуралул дунияллул халкьуннал дянивсса «Горцы» фестиваль Бадрижамал Аьлиева [dropcap]Ф[/dropcap]естиваль хъанахъиссар «Культура» тIисса Национал проектрал, «Творческие люди» тIисса региондалул проектрал лагрулий, Республикалул Халкьуннал творчествалул къатлул сакиншиндарайну. Вай гьантрай жулла республикалийн хъамалу бувкIссар Аьрасатнал личIи-личIисса регионнаясса творчествалул коллективру, цалла-цалла аьдатру, культура ккаккан дуван. Амма...
Вай гьантрай ДР-лул Шяраваллил хозяйствалул ва бакIлахъиялул министерствалий хьусса батIаврий ххал бивгьунни Дагъусттаннай багъру бугьаврил масъалартту. БатIаву хьунни министрнал 1-ма хъиривчу Шарип Шариповлул каялувшиврий. Муний гьуртту хьунни хьхьичIунсса багъирдал районнал шяраваллил хозяйствалул управлениярттал бакIчитал ва хъунисса багъру бусса хозяйстварттал каялувчитал. Шарип Шариповлул тIимунийну, дукIусса шинал давурттал хIасиллайн чул бивщуну, Дагъусттаннал бугьлай бур 3-мур кIану Аьрасатнаву...
Августрал 12-нний ДР-лул Премьер-министр Артем Здуновлул каялувшиврий хьунни ДР-лул ХIукуматрал ва коронавирусрайн къарши буккаврил Оператив штабрал цачIусса батIаву. Дагъусттаннайсса коронавирусрал эпидемиялул тагьардания ва мунийн къаршину дуллалисса давурттая бувсунни ДР-лул Роспотребнадзорданул каялувчи Николай Павловлул. Мунал тIимунийну, махъсса 4 нюжмардий республикалий азарданул къашавай шаврил бущи (темп прироста) 0,5% бавцIуну бусса бур, мунияр ялавайгу багьлай бакъасса бур. Мунил...
Августрал 11-нний ДР-лул ХIукуматрал Председатель Артем Здуновлул каялувшиврий хьунни ДР-лий экономика лядуккан даврил ва социал ишру цалий бацIан баврил хIакъиравусса Оператив штабрал батIаву. Артем Здуновлул тапшур бунни цIусса кIанттурду дузал буллан. Мунал тIимунийну, му масъалалул хIакъиравусса информациялия хавар бикIан аьркинссар агьалинан. Яла ххал бивгьунни агьалинан мюнпатну бацIансса масъала: МахIачкъалалив ахъулсса ва ахънилсса дахлансса машинарттаял (автолавкарду)....
