Багъирдал Дагъусттан

Багъирдал Дагъусттан

Вай гьантрай ДР-лул Шяраваллил хозяйствалул ва бакI­лахъиялул министерствалий хьусса батIаврий ххал бивгьунни Дагъусттаннай багъру бугьаврил масъалартту.

БатIаву хьунни министрнал 1-ма хъиривчу Шарип Шариповлул каялувшиврий. Муний гьуртту хьунни хьхьичIунсса багъирдал районнал шяраваллил хозяйствалул управлениярттал бакIчитал ва хъунисса багъру бусса хозяйстварттал каялувчитал.

Шарип Шариповлул тIиму­нийну, дукIусса шинал давур­ттал хIасиллайн чул бивщуну, Дагъусттаннал бугьлай бур 3-мур кIану Аьрасатнаву ахъул­сса датIаврин хасну. Ахъул­сса ххяххан давриву шяраваллил ва фермертурал хозяйстварттал анжагъ чIивисса кIану бугьлай бур. ДартIсса циняв ахъулссаннува 96%, яни хъунмур бутIа, багьлай бур ичIаллил хозяйстварттайн (подсобные хозяйства).

Махъсса шиннардий республикалий багъру цIу буккан буллай бур, бувгьуну бур 3 азаллий­сса гектарданийсса интенсив журалул багъру.
Амма циксса ахъулсса дартIун дуссарив исватну кIулну бакъар, статистикалул кита-хIисав (отчетность) дакъатIий.
Шарип Шариповлул бувсунни республикалий каши душиву ахъулсса цIанассаннияр ххишалагу датIлан импортозамещениялул программа бартдигьаврил лагрулий.

Читайте также: