Виричунал цIанин лайкьну

Виричунал цIанин лайкьну

Къизилюртуллал райондалийсса Совет Союзрал Виричу ХIажи Бугъановлул цIанийсса Султанянгиюртуллал (Хъанардал) 2-мур школалущал жул мудангу цIакьсса дахIаву дуссар.

Дахьва ва школа тIивтIусса чIумал, чил миллатирттал дянива конкурсрал гьанулий язи бувгьуну, директоршиву дуллай буссия Хъусращиял шяравасса Саидханум Аьлибекова.


Имара Саидова
Шикку зузисса учительтурал дянив хъинну бусравну бур ­оьрус мазрал дарсру дихьлахьисса, ва школалий тIивтIусса ХIажи Бугъановлул цIанийсса музейрай каялувшиву дуллали­сса Карашрал шяравасса Индира Оьмарова.
Гьашину ванил каялувшиву дуллалисса 9-мур классрал выпускниктурава арулуннал къуртал бунни школа мусил медальданущал.


Индирал каялувшиву дуллалисса ва школалий тIивтIусса ХIажи Бугъановлул цIанийсса музей рес­публикарттал дянив­сса музейрдаву ца яла хьхьичIунмунин ккаллину бур.


Гьай-гьай, ва кьини, цинявннал кунна, жугу лахъа-хъунну кIицI лагайссия. ОьрчIал цIуллу-сагъшиву дуруччаву мурадрай школалия, учительтурая личIи хъанахъисса, ххарисса ва пашмансса асарду хIала бувхсса кьини манзилданул режимрай кIицI лаглай хъиннува хъювсул буклай буру. Аммарив, дакI ххари хъанай дур, махъсса ппурттуву хьусса дахчичругу хьхьичI къадарцIуну, оьрчIал дуккавриву хьун дурсса ккаккиярттая. Арулла мусил медаль 9 класс къуртал бувминнал ва ряхра мусил медаль 11-мур класс къуртал бувминнал. Вари жул даврил хIасил ва жул кьимат.

Мяйжаннугу, ва школалий­сса коллективрал ва дуклаки оьрчIал цимилгу исват бунни Виричунал цIа лайкьну ларсун нанисса бушиву. Индирал хIадур бувсса дуклаки оьрчIал гьарца шинал респуб­ликалул даражалийсса конкурсирттай ва олимпиадарттай цимилгу хьхьичIунсса кIанттурду бувгьуссар.

Ванил дарс дирхьусса оьрчIру, оьрус мазрал ва литературалул ОГЭ-дай ва ЕГЭ-дайгу яла лавайми баллу лавсун, республикалул ва Аьрасатнал хьхьичIунсса вузирдавугу цалчинну дуклай бур.
Ва бур лавайсса категориялул филолог. Ванил 25 шин хьуну дур учительшиву дуллай. Лайкь хьуну бур хIурматрал грамотарттан ва барчаллагьрал чагъардан. Школалий эбратран бивхьуну бур ванил уттизаманнул технологиярттал ва цимурцаннул дузал бувсса оьрус мазрал ва литературалул дарсирдал кабинет.

Индирал каялувшиву дуллалисса ва школалий тIивтIусса ХIажи Бугъановлул цIанийсса музей республикарттал дянивсса музейрдаву яла хьхьичIунмунин ккаллину бур.
Ванил дуклаки оьрчIащал хIадур дурссар, Виричунал оьр­мулул ва аьрали ххуллурдая бусласисса, «Токс ведет поиск» тIисса, «Дагъусттан» РГВК-лий ккаккан дур­сса ххаллилсса передачартту.

ХIакьину Индира бур жагьилсса педагогтурал чIарав бацIан ва кумаг бан хIадурсса насихIатчи. Хъинну бусравну бур ва архIал зузиминнал дянив, ххирану бур дуклаки оьрчIан ва миннал нитти-буттан. Ванил цила захIматрансса яла лаваймур кьиматрангу ккалли бай оьрчIал ва миннал нитти-буттал чулухасса барчаллагьрал махъру.

Читайте также: