[dropcap]Р[/dropcap]оссельхозбанкрал 3 миллион ва 400 азарда къуруш МахIачкъалаллал 1-мур азарханалун кумагран дирчуну дур.

Ва ххуйсса даврия буслай, банкрал пресс-къуллугъ чIурчIав дуллай бур азарханалул хъунама хIакин ХIажимурад Малаевлул коронавирусрал ва гьутрурдал къашавайми хъин буллансса даруртту ласунсса кумаг бувара тIисса тавакъю бувшиврий. «Россельхозбанкрал» Дагъусттаннайсса филиалданул хъунмур Елена Гончаренкол бусаврийн бувну, азарханалун аьркинмур ласунсса арцу дартIун дур банкрал зузалтрал.
— Минздраврал кумаг бухьурчагу азарханалун, даруртту биял къахъанай, къазразанну къабикIан, луртан дуну хъинни. Жу барчаллагьрай буру Россельхозбанкрайнгу, циняв жунма кумаг буллалицириннайнгу, — тIий ур хъунама хIакин ХI. Малаев.

Индира  Шалласуева