[dropcap]Ц[/dropcap]Iуну оьрчI бувсса Covid-19 цIуцIаврил къашавайссса хъаннинсса Каспийск шагьрулийсса госпитальданий ттининнин бувну бур 66 оьрчI.

---

ЦIуну бувсса оьрчIал отделениялий хIакьинусса кьини бур 18 оьрчI.

Госпитальданул хIакинтал талай бур 500 гр. кIушиврул ду­сса оьрчIал оьрмурдахлугума. Ва ишираву миннан кабакьу буллай бур ттизаманнул оборудованиялул.

Госпиталь зий байбивхьу­ссар апрель зурул 5-нний. Шикку пандемия ппив хъанан диркIсса цалчинсса гьантрайва уттубишин буллай байбивхьуссар коронавирусрал къашавайсса лякьлуву оьрчI бусса хъами.

Зулайхат Тахакьаева