[dropcap]Л[/dropcap]ап жапасса чIумал чIявусса жагьилсса хIакинтурангу багьунни, ка вардишсса хIакинтуращал хъачIрай хъачI дирхьуну, COVID-19 инфекциялущал талан.
Миннавасса ца бур Хъусращиял шяраватусса АхIмадова Умият АхIмадил душ.
Зулайхат Тахакьаева
Ва бур А.И. Евдокимовлул цIанийсса Москавуллал паччахIлугърал медико-стоматологический университетрал 6-мур курсирал студентка, хIакин-стажер. Зий бур Москавуллал ЦIуллу-сагъшиву дуруччаврил министерствалул биялалийсса С. И. Спасокукоцкийл цIанийсса азарханалул реанимациялул ва интенсив терапиялул отделениялий, COVID-19 цIуцIаврищал талай.
Ва мукунма бур Аьрасатнал ЦIуллу-сагъшиву дуруччаврил министерствалул биялалийсса «Национальный медицинский исследовательский центр кардиологии» ФГБУ-рал кардиологиялул отделениялул реанимациялул ва интенсив терапиялул отделениялул волонтергу.
ХIакьину Умият бур билаятрал ца хьхьичIунсса азарханалий цIанихсса хIакинтуращал захIматсса къашайшалтран кумаг буллай. Агьалинал оьрмурду ххассал бан бюхъаву хIакьсса талихIран ккалли буллай бур Умият.
ЧIа тIий буру Умиятлун лайкьну битан захIматсса ва бусравсса ххуллу.
