[dropcap]И[/dropcap]юньдалул 25-нний МахIачкъалалив 33-мур школалийсса 1004-мур участокрай тIивтIунни АьФ-лул Конституциялийнсса дахханашивуртту даврихлу чIурду булайсса кIану.
БувкIми хьунабакьлай бур гимназиялул дуклаки оьрчIал, санитариялул низамгу дуручлай. Хьулувух буххайхтува дуллай бур маскарду ва катIри, дуллай бур дезинфекциялул давуртту.
ХIасан Аьдилов
БувчIавурттал комиссиялул члентал бур коронавирусрал инфекциялуща буруччинсса хялатирттаву ва пластикрал маска-экраннаву, буручлай бур социал манзил.
[dropcap]М[/dropcap]иккун чIурду булун цалчин бувкIминнавух ия ДР-лул Халкьуннал Мажлисрал Председатель Хизри Шихсяидов цалва кулпатращал. Миннал чIурду буллуну махъ гимназиялул оьрчIал ккаккан дурунни хъун дакъасса концертгу.
