[dropcap]Ц[/dropcap]ал-цал цал «къатIа» бивзун, яла ганища ххассал хьунсса куццух луглан бикIару. Муна мукунсса ишну чIалай бур гьашинуния
тихунмай зузисса инсаннал «захIматрал жуж», чагъарданул журалийсса бакъа, электрон журалийсса бикIантIий бушиву.
Нанияра пикри баннуча. Утти укуннагу компьютердавун, инсаннал чурххавун итадакьлай бур вирус. Вирусрихха утти инсантал кьатI буллалисса цIуцIавурагу. Цурдагу инсаннал чурх талан къашайсса, яни инсаннал чурххаву ванийн данди дацIансса иммунитет дакъасса цIуцIаву дусса дур.
Жула ихтилат, ва цIуцIаврия бакъа, цамур иширая бухьувкун, бучIанну муничIан. Иширах бургарча, хIукумат дур гьарца иш электрон журалул ххуттавун бутлай. Гьай-гьай, му техникалул прогресс хъанай бур. Мукунсса иширттайну инсантурал аьркинлугъру бигьану щаллу хъанайгу дур. Амма жула зунттаву яхъанахъисса инсантурачIа цинявнначIа къадикIайхха интернет. Цал аьркинни хIукуматрал щаллу буван ва иш.
Ялагу, нажагь, (учин бакъассар), щин-бунугу щийн-бунугу ссибивзсса чIумал, бюхъайхха электрон журалул жужрава чичрурду леххан дуван, бюхъайхха щил-дунугу, оьбан-хъинбан, итадакьин вирус. Ва иш, явара, нигьа къабусанссагурив бакъар. Мунияту, ттул пикрилий, хъина чагъарданиймур «захIматрал жужгу» бивтун. ДикIанссар электрон журалулми чичрурдугу.
Бусияра зугу зулвамур пикри?
ХIажимурад ХIусайновл
