[dropcap]В[/dropcap]ай гьантрай Дарбантлив хьунни, ххуйну бакьингу бувну, цIу буккан бувсса Муса Маннаровлул цIанийсса куча тIитIлатIисса шадлугъ.
ПатIимат Рамазанова
Ва шадлугърай гьуртту хьусса шагьрулул мэр Хизри Абакаровлул, агьали барча буллай, барчаллагь увкунни, куча бакьин буллалисса давурттив лахъи лагарчагу, ссавурданий зий бивкIминнахьгу, тания танийн къуртал къашайсса давурттиври тIий, цIуру-кIуру къабувсса кIичIираваллил лагма-ялтту яхъанахъиминнахьгу.
Муса Маннаровлул цIанийсса кIичIиравалу «Аэропорт» микрорайондалий ца яла хъунмур бур, 900 метралул лахъишиврийсса. Асфальтгу бувтIуну, тротуарданийх плитка даркьуну, щюллишиврувунгу бахьлаган бувну, ххуйну бакьин бувну бур, чаннагу лахъан бувну. Укун ххуйсса даражалий ххуллурду бакьин буллалаву шагьру тIутIайх бичлай бушиврул барашиннар. Дарбант махъ ппурттуву буниялагу ххуйчулинмай баххана хъанай бур.
Ва ялагу, жула лаккучунал, Совет Союзрал Виричунал, СССР-данул лётчик-космонавтнал цIанийсса кIичIираваллих укун ххуйсса къулагъас дуршиву цума-цагу лаккучунангу тIааьн бизансса иш бур.
