[dropcap]М[/dropcap]ахIачкъалаллал ва Каспийскаллал дянив буллалисса Ися Идавсил цIанийсса рувхIанийсса ЦентрданучIан бахьттагьалт занантIисса аьрщарал лулттусса ххуллу бувантIий бур АО «Мостоот­ряд 99» идаралул.

Цуппагу идаралул харжира­цIух. Аьрщарал лулттусса ва ххуллул лахъишиву дикIантIий дур 27 метра, утташиву – 14 метра. Му июнь зуруй бувну къуртал бувансса ниятрай зий байбивхьуну бусса бур строительтал.

Ва Центр буллай байбивхьу­ссия 2017 шинал. ХIакьинусса кьинигу чялишну зий бур Европанаву ца яла хьхьичIунмур динийсса идарану хьунтIисса ва Центрдануха.