[dropcap]М[/dropcap]ахIачкъала шагьрулул Кировский райондалий хьунни муххал ххуллу лахъаврих къулагъас дан буллалисса акция. Цувгу хас бувну бур
Дунияллул халкьуннал дянивсса муххал ххуллурду лахъаврих къулагъас дан буллалисса кьинилун. Кировский райондалул администрациялул пресс-службалий бувсунни ва кьини дайшиву муххал ххуллу лахълахъийни мюхчаншиву дуруччаврих къулагъас даву мурадрайса мероприятияртту.
Зулайхат Тахакьаева
Кировский райондалул администрациялул бакIчи СалихI
Cагидовлул цала инстаграм-аккаунтрай бувсун бур профилактикалул акция хьушиву Кировский райондалул Щамхал поселокрайсса муххал ххуллу лахъайсса кIанттай.
Поселокрал администрациялул ва полициялул зузалтрал дарчIуну дур ххуллурдай личIлулну бикIан ва низам дуруччин оьвчаву дуллалисса чIапIив.
КIицI бан багьлай бур махъсса шинал МахIачкъалалив, муххал ххуллу лахълахъийни, оьрмулуцIа хьуну ур шама инсан.
