[dropcap]М[/dropcap]айрал 27 -нний Владимир Васильев хьунаавкьунни АьФ-лул цIуллушиву дуруччаврил министрнал хъиривчу Виктор Фисенкощал. Миннал ххал бивгьунни Дагъусттаннай коронавирусращалсса талатаврил масъалартту.

Владимир Васильевлул бувсунни республикалийн даруртту ва цаймигу аьркинлугъру дуркIун душиву федерал центрдания. Мунал тIимунийну, республикалийн бувкIсса министерстварттал каялувчитурал ва экспертътурал багьайсса кьимат бивщуну бур медициналул идарарттал давурттан Миннал кумаг буллай бур къашавайсса инсантал хъин буллангу, азарханардай давуртту тIайлану сакин дувангу.
Федерал министрнал хъиривчунал тIимунийну, махъсса ппур­ттуву гьарза хьуну дур ковид азар аьям дайсса лабораториялул гьанулийсса хъиривлаявуртту.

Агарда I0 кьинилул хьхьичIра ми дай­сса диркIхьурча 700-800, ХIакьину дуллай бур 3200. I0 гьантлул дянив тестру дуллалаву гьарза хьуну дур 4-4,5 -ла. Фисенкол бувсунни мукунма хIакьину республикалин бучIантIий бушиву дарурттал I500 далухIи (упаковке)Луртандалий дусса дур цаймигу Дагъусттаннанса I000 далухIи
Виктор Фисенкол Владимир Васильевлухь барчаллагь кунни анаварну 30 млн къуруш личIи даврихлу дарурттал дузал буван. ХIакьину дарурттал цалчинсса бутIа биян аьркинссар республикалийн. Яла ми бачIинтIий бур ичIува хъин хъанахъисса къашавайсса инсантурах.
Ихтилат хьунни мукунма военно-полевой госпиталлу дузал баврил хIакъиравугу.
Фисенкол бувсунни иукунма, Аьрасатнал ЦIуллушиву дуруччаврил министерство хIадурну бушиву Дагъусттаннан ччимур журалул кумаг буван.