Жул агьлу ххуй бай чаний

[dropcap]Л[/dropcap]авгунни жул чIивимур ссу Басират, левщунни жул буттал къатлул чирахъ. Ина бияв, ссу, захIматчи, вин мудан ччай бикIайва кумаг бан цинявппагу дустуран ва жун.

Бувгьуну кьабивтунни, ссу, ина шяраваллил бярнил лагма мурхьругу, инавамур лавгунна миннул щурщулух шанан.
Басират, вин кIула дусшиву ядан. Вил симандалий чан къашайва пиш. Коронавирус тIисса рахIму бакъасса азарданул, неххал къаласунну, лавсун лавгунна.
Ххирасса ссу! Левщун лавгунни вил оьрмулул яргсса чирахъ! Лавгунни 40-гу гьантта, гьанссар 52-гу, гьанссар шиннугу, вил хIалимсса аьзизсса чIугу къабаллай, вил нурданул симангу ххал къахъанай.
Жул исвагьий ссу Басират, жул аькьлулул кьуллай. ЦичIав бан къашай жуща. Инава жун бувмунин лавхьхьусса жуща вин цичIав бангу къавхьунни. Кьадиртунни ина ва пана дуниял, укунсса духьунссия Заннал чичру!
КIулли ина бушиву алжаннул хIурулъэн хьуну! Шанашу абадлий вила нитти-буттачIа!

***
Жул агьлу ххуй бай чаний,
Аьзизсса ссу Басират,
Зевххунна ина жуща
Нязаннивсса бивкIулул.

Аьзиз ниттил чIаравсса
Гьав нурданул дуцIиннав,
Шанашу тти, жул ххирай,
Хъуннеххал ххурххулухун!

Уссу-ссурваврал цIанияту Асват,
ш. ШавкIул


[dropcap]Ц[/dropcap]аннал хъирив ца ва июнь зурул дянив аьпалухьхьун лавгунни жул ххирасса, хIурмат бусса учительтал, Ккурккуллал шяравасса
Аьвдуллагь МахIаммадович
ва Камилат МахIаммадовна
Исяевхъул.

Камилат МахIаммадовна жул классрал каялувчигу бия.
ДакIнихтуну кьурчIишиву кIидачIлай, жижара буллай буру вайннал оьрчIахь, уссурссуннахь, махъсса гъан-маччанахь. Имандалий лавгун лякъиннав, рухIру алжаннул ххари даннав.
Махъминнал оьрмурдай барачат бишиннав.
1986-ку шиналсса выпускрал оьрчIру-душру