[dropcap]Д[/dropcap]агъусттан Республикалул Халкьуннал Мажлисрал хъунаманал хъиривчу Камил Давдиев МахIачкъала шагьрулул Кировский райондалул бакIчи СалихI Сагидовлущал
ва депутатътуращал –Марат Алияровлущал,
Мухтар Оздеаджиевлущал, Мурат Пайзулаевлущал ялтту бувккунни «Безопасные и качественные автомобильные дороги» тIисса нацпроектрал лагрулий бакьин буллалисса Кировский райондалул ххуллурдал.
Зулайхат Тахакьаева
Депутатътурал ххал бувунни 2020 шинал проектрал пландалий бакьин бан ккаккан бувсса ххуллурду: Тахо-Годил, 2-мур Гранитный проезд, Альбурикентуллал. Вай ххуллурдай зий бур гьарца кьини, республикалийсса эпидемиологиялул тагьарданух къабурувгун. ЦIанасса чIумал вай ххуллурду кьабуллай бур.
Депутатътурал кIицI лавгунни бартбигьин багьлай бушиву коммуникациялуцIун бавхIусса мурадру.
«ХIатта сурсатирттал щаллу байсса идарарттахьхьун дуллуну духьурчагу 2020 шинал бакьин бан аьркинсса ххуллурдал сияхI, ттигу бувар байбишин ремонтрал давуртту дуллай. Депутатътурал махъ буллунни ва масъала чулийн буккансса кабакьу бан.
Рейдрая махъ депутатътурал кIицI лавгунни ххуллурдай дуллалисса давурттал ялув мудангу бацIлан багьлай бушиву. Агар давриву диял дакъашивуртту ялун личирча, шагьрулул УЖКХ-лун багьлай бур рязи бакъашиврия бусан подрядный организациярттахь», — увкунни СалихI Сагидовлул.
«Ххуллурду хъанай бур оьрмулул туннурду. Мунияту му программа жулла республикалий зийгу дур лябукку буну», — увкунни Камил Давдиевлул.
