Хъунмасса Буттал кIанттул цIанийсса дяъвилий Ххувшаву ларсун 75 шин шаврин хасну Давуд Амировлул каялувшиндарайсса «Вирттал» тIисса Лак­рал жагьилтурал ккурандалул сипталий лакку оьрчIал дянив дуллалиссар Буттал кIанттул цIанийсса дяъвилухасса шеъри буккаврил конкурс.

Конкурсрал шартIру:
1) Конкурсрай гьуртту хьун ччиминнал дакIних буккин аьркинссар Буттал кIанттул цIанийсса дяъвилухасса шеъри ягу шеърилувасса парча, оьрус мазрай ягу ла­кку мазрай.
2 ) Конкурсрай гьуртту хьун бюхъайссар 8 шинавун бияннин­сса, 8 шиная 18-ннийн бияннин­сса, 18-нния 35-ннийн бияннинсса ва 35-нния лавайсса оьрмулувусса инсантураща.
3) Конкурсрал хIасиллу дан­тIиссар соцсетирдаву бивщу­сса кьиматирттайну, яни дирхьусса лайкирдайну.
4) Гьуртту хьун ччиманал ласун аьркинссар цала шеъри ккалакки­сса видеоролик. Ккаккан дан аьркинссар цала фамилия, цIа ва бу­ттал цIа, цими шин дуссарив ва цумур райондалиясса, шяравасса усса­рив. Ккаккан дан аьркинссар мукунна цала телефон.
5) Конкурс най дикIантIиссар май зурул ахирданийнин.
6) Ххув хьуминнан дулунтIиссар арцуйнусса бахшишру.
Видеороликру гьан дан бю­хъайссар ва номерданийн WhatsApp-рай: 8-988-650-39-96.
АрхIала наниссар Рамазан зурун хас дурну дуллалисса Кьурандалул аятру буккаврил конкурсгу. Ва конкурсрай гьуртту хьун бюхъайссар хъунисса ва мюрщи­сса оьрчIаща:
1) 7 шинавун бияннинсса;
2) 7-нния 17 шинавун бияннинсса.
Конкурс най дикIантIиссар Рамазан барз гьаннин.
Видеороликру гьан дан бю­хъайссар ва номерданий: 8-928-587-77-34.