Дагъусттаннал БакIчи Владимир Васильевлул коронавирусрал азар хьхьара хьуннин циняв идарарттал даву дацIан дуван, дяличIан дуван къашайшиврийгу чIуручIав дурну, ккаккан дунни зунсса къадагъа дакъасса идарарттал сияхI.
[dropcap]В[/dropcap]а сияхIрай бур агьалинан дукра дуллалисса идарартту, каферду, ресторанну, так дуканмур диян дуллалаву личIаннин. Бур интернет- ттучаннал пунктру , заказру диян дуллалисса ххилаххисса къуллугъру. Зунсса ихтияр думиннувух бур медициналул цинявппагу идарартту.
Мукунминнувух ялагу бур: дуки- хIачIия, шяраваллил хозяйствалул продукция, ичIура инсантуран чара бакъа аьркинмур дахлахисса ва дахханнин ядуллалисса кIанттурду, накIлил ва дикIул продукциялуха зузисса, дукиялул промышленностьран аьркинсса оборудованиялуха зузисса идарартту, компьютердаха, электроникалуха ва кабельданул продукциялуха зузисса, цIу лещан дуван ишла даймур дуллалисса кIанттурду, ххуллурду, ламурду бавриха ва бакьин бавриха зузисса идарартту, мукунма ххуллурдал хозяйствалун аьркинмуниха зузисса производство, транспорт (шивун багьлагьиссар жамирдугу) ремонт дувавриха ва запчастирдаха зузисса предприятияртту, информацион технологияртталсса ва связьралсса буллалисса идарартту, почта, телекоммуникациялул сетьру, СМИ-гу хIисавну, печатьрал продукциялуха зузисса ва кказит- журналлу аьркиннийн биян буллалисса идарартту, нотариал конторарду, адвокатътал зузисса идарартту, строительствалул давуртталсса буллалисса къуллугъру.
Щаллуну сияхI ххал дуван хьунтIиссар Дагъусттаннал БакIчинал официал сайтрай, «Документы» тIисса разделданий.
ХIадур бувссар
П. Рамазановал
