[dropcap]Х[/dropcap]ъунмурчIин 60-хъул шиннардива ливчусса агьлу бур тIий бур дунияллийцири хIакинтал коронавирусрал азардания буруччин багьлагьими.
[dropcap]Р[/dropcap]еспубликалул хъуниминнал хIукмулийн бувну, давурттай зузисса бугьарасса инсантурахьхьун шаппа-шаппа щябикIан ва шаппату дистанцион кьяйдалий зун ихтияр дуллуну дур. Дагъусттаннал ЗахIматрал ва социал иширтталсса буллалисса министерствалул сакин дунни республикалул шагьрурдай ва шяраваллаву яхъанахъисса, маэшатрал кIюласса инсантурал сияхIру.
Ларгсса нюжмардий «МарцIсса дакI» ва «Инсан» тIисса ихIсандалул фондирттал кумаграйну 3 азарва кулпатравун биян бувунни дуки- хIачIиялул кьуцурттив. Социал идарарттал зузалт чIун-чIумуй биллай бур мюхтажминначIан, дезинфекция дуван бикIу, цамур журалул кумаг буван бикIу. ЗахIматрал министерствалул баян бунни дукиялул кьуцурттив циняв шагьрурдайсса ва шяраваллавусса мюхтажминначIан биян бувантIишиву, кумаграх ялугьисса цаягу инсан лях гьан къаивтун.
П. Рамазанова
