Республикалул аьрали комиссар Дайтбаг Мусттапаевлул бувсунни интту Дагъусттанная 4200 инсан гьантIишиву аьралуннаву къуллугъ буллан.
Ларгсса шинах бурувгун, гьашину инттухунай 1200 инсан ххишалану гьан тIий ур къуллугъ бан Дагъусттанная.
Махъсса 10 шинал лажиндарай дахьва цIана тIалав бувну бур Дагъусттанная гьавалул аьралуннаву къуллугъ буллансса жагьилтал-120 инсан. Аьралуннаву къуллугъ бан буцлацисса жагьилтурава 250 инсан тIайла уккантIий бур нацгвардиялул аьралуннавун,2700 инсан — сухопутный аьралуннавун.
Мукунма жула оьрчIру къуллугъ буллантIий бур хьхьирил флотраву,гьавалул ва космосрал гужирдаву, муххал ххуллул аьралуннаву.Вай къуллугъ буллантIий бур мукьрагу аьрали округрай ва Ухссавнил флотрай.
Аьралуннавун буцлациминнаясса тIалавшиннардая буслай, Дайтбаг Мусттапаевлул кIицI лавгунни жагьилтал личIлулну ххал байшиву гьарца чулуха. Аьралуннавун буцлацийни, хьхьичIва-хьхьичI язи бугьайссар ларайсса ва дянивсса хасъсса кIулшивуртту ларсми, мукунма ярагъуннил гужирдаву аьркин шайсса пиша буми: С,Д,Е категориялул щупиртал, фельдшертал ва м.ц.
ЦIана щалагу дунияллийсса ва жула билаятрайсса эпидемиологиялул тагьарданул хIакъиравусса суалданун жаваб дуллай, аьрали комиссарнал бувсунни гьарцагу призывник азарунния мюхчан хьунмунил дузал антIишиву, ми цинявннал коронавирусрал инфекция дурив кIул бансса тестру дулунтIишиву.Цала-цала частирдавун бувкIун махъ , къуллугърал буржру щаллу булланнин, ми кIира нюжмардийсса карантиндалий битантIишиву.
Ларгсса шинах бурувгун, гьашину инттухунай 1200 инсан ххишалану гьан тIий ур къуллугъ бан Дагъусттанная.Махъсса 10 шинал лажиндарай дахьва цIана тIалав бувну бур Дагъусттанная гьавалул аьралуннаву къуллугъ буллансса жагьилтал-120 инсан. Аьралуннаву къуллугъ бан буцлацисса жагьилтурава 250 инсан тIайла уккантIий бур нацгвардиялул аьралуннавун,2700 инсан — сухопутный аьралуннавун.
-ХIакьинусса кьини республикалул аьрали комиссариатрай буссар аьркинсса пишакартал, хIакинтал. Дагъусттан Республикалул БакIчинал хIукмулийну личIи бувну буссар резерврай битансса хIакинталгу, жагьилтал тIайла буккайсса пункт дузалну бур миннахьхьун аьрххи- ххуллийн дишинмунил. Шагьрурдал ва районнал призыврал комиссиярттайн тапшур бувну буссар, кIантту-кIанттурдайсса тагьаргу хIисавравун ларсун, батIай пунктру зузи бансса чIун ккаккан дан,- увкунни комиссарнал.
Къуллугъ бан наниминнал цалчинсса кьюкьа тIайла дуккантIий бур майрал 20-нний. Ми тIайла буккантIиссар цивппа къуллугъ буллансса кIанттурдайн самолетирттай, поездирттай ва машинарттай.Машинарттаву дантIиссар дезинфекция.Жагьилтал бувцуну нанимигу дузал бантIиссар мюхчан хьунмунил.
Журналистурал суалданухьхьун жаваб дуллай, Дайтбаг Мусттапаевлул бувсунни призыврацIун бавхIусса иширттаву тIайладакъашиву къахьун шагьрурдал ва районнал призыврал комиссиярттачIа сакин бантIишиву арулла жяматийсса организациялул вакилтал бусса совет.
Ахирданий комиссарнал кIицI ларгунни жула жагьилтурал хIакъираву частирдал командиртурая барчаллагьрал чагъарду бувкIсса районну.
Андриана Аьбдуллаева
