ЦIана Аьрасатнал школарду карантин сававну лавкьуну бухьувкун, «Skyeng» тIисса компаниялул сакин дурну дур учительтурансса украсса вебинарду.
Шикку вайннан лахьхьин буллай бур цанна къулайсса журалийсса техникагу ишла дурсса дистанциялийсса дарсру дишин.
З. АьбдурахIманова
Жула республикалий мартрайва вебинарданул цалчинсса дарсру дирхьуну дур 300 учительнахь. Сакиншинначитурал бувсун бур вайннахь дистанциялул дарсру дишайни ишла дансса методирттая ва ФГОС-рал низамрай ми дарсру цукун дишин бюхъантIиссарив, оьрчIал кIулшивуртту цукун ххал дантIиссарив.
Цала вебинардай вайннал учительтуран бувчIин бувну бур оьрчIахь дирхьуми дарсру чув ядантIиссарив, оьрчIаща ми учитель чIарав акъанагу цукун ишла дан бюхъантIиссарив ва минная махъуннай ци жавабру, давуртту тIалав дуллантIиссарив. ХъунмурчIин бувсун бур хъуними классирттаву алгебралул, геометриялул, оьрус мазрал, обществознаниялул ва ингилис мазрал дарсру цукун дихьлан аьркинссарив. Уттигъанну хьусса кIилчинсса вебинардайгу Дагъусттаннаясса 300-ксса учитель гьуртту хьуну ур.
ОьрчIачIан заданияртту гьан дан ихтияр дуссар учительтурахь, циняр мессенджерду ишла дурнугу. Агарда учительнал гьан дурсса 100-рагу задание дуклаки оьрчIал тIайлану дуварча, мукунсса учительнахьхьун дулайсса дур «Эксперт дистанционного обучения» тIисса сертификат.
Вай вебинардая аьркинмур кIул бан ччисса учительтураща бюхъайссар ва сайтрайн буххан http://skyeng.ru/go/distant-da;
ягу вана оьвчин украсса «Горячая линия» 8(800) 333-23-42.
