КIундиннал дянивмур даражалул школа – национал проектрал конкурсрай

«100 школ» тIисса национал проектрай гьуртту хъанай бур Лакрал райондалийсса КIундиннал дянивмур даражалул школагу. Проектрал лагрулий республикалул итадаркьу­сса арцух дуванмур къачанни, ва школалийгу дух хьумур, заваллай дарцIумур, цIу дуванмур чIярур. Укунсса давурттан Республикалул бюджетрава субсидияртту хIисаврай итабакьлай бур 2 миллион къурушрал.

Ши­кку ккаккан бувсса процентру бур райондалул администрациялул ва шяраваллил жяматрал (организация, меценатътал, ишбажаранчитал бикIу, таксса инсантал бикIу) булунсса (процентру арцуйн кIура баен буварча – 200 азарда къуруш администрациялул дуллай бур, 450 азарда – жяматрал чулуха датIин багьлай бур).
Ва школалул директор Абакар Гуйдалаев оьвчаву дуллай ур шяраваллил жяматрайн, меценатътурайн, каши дусса гьарцагу инсаннайн, шяраваллил школа цIубуккан баврийн тIайла дурсса ва давривух гьуртту хьияра, чIарав бацIияра тIий.

КIундиннал дянивмур школалул директор Абакар Гуйдалаев оьвчаву дул­лай ур шяраваллил жяматрайн, меценатътурайн, каши дусса гьарцагу инсаннайн, шяраваллил школа цIубуккан баврийн тIайла дурсса ва давривух гьуртту хьияра, чIарав бацIияра тIий.
Дуккаврих гъира-шавкь ду­сса оьрчIругу, цалла давриву дакI дирхьусса учительталгу лайкьссар хIакьинусса кьини дуссаннуяр ларайссагу, хьхьичIунссагу дуккаврил ва даврил шартIирдан. Жуватувасса гьарцагу инсан­нал ка кIидахIин дуварча, ва даву щаллу хьунтIиссар.

Дуккав­рицIунсса инвестициярттур яла тIайлабацIу буми, яла аьркинми, замана цукунсса бучIарчагу.
ХIакьину жува школалул цIаний буккан бувсса хъун ба­къасса харж – му жулла шяраваллил гьунттийсса ххарисса кьинир, оьрчIал чIурдал ласун дур­сса шяравалур.
Бачияра цIанава, хIакьинува, пикри буванну гьунттий жулла шяраву бикIантIисса аьркинмунил щаллусса школалул ялув. Бачияра, цинявппагу цачIун хьуну, жулла шяраваллил школа лавай баврил ххуллий жущава шаймургу, ца ххишалагу баннуча!

Бадрижамал
Аьлиевал