ХIаллихшиннал порталданул давурттал анализ

[dropcap]К[/dropcap]оронавирусрал инфекциялул пандемиялуцIун бавхIуну ва Аьра­сатнал аьрщарайх КОВИД-19 ппив шаврийн бувну, билаятрал каялувчинал маслихIат бунни шаппа бацIан,

хIасул хъанахъисса циняв масъалартту тIурча, дузал буллан манзилданий электрон сервисирттал кумаграйну.


ХI. Аьдилов
ЧIяруми хIаллихшинну манзилданий, шаппату къабувккун, ласун шайссар ПаччахIлугърал хIаллихшиннал цасса порталданийхчил https://www gosuslugi.ru/. Порталданул сервисирттал давурттал анализ дурну, ДР-лул Минкомсвязрал пишакартурал пикри хьуну бур, ва ресурсраща агьалиная электрон журалий заявленияртту кьамул буллан бюхълай бунугу, инсантал идарарттайн занази баврия башттанма азат буван къахъанай бушиву. Масалдаран, щаллуну дулун бю­хъайсса хIаллихшиннан хIисавну дур 30 (справкарду, выпискарду ва цаймигу), ми ласун бюхълай бур тIайланна сайтраяту, ягу ми тIайла дуккайссар почтрайхчил.
ДачIи-кьачIину электрон журалий хIасул дан бюхъай­сса хIаллихшиннан хIисавну дур 65. Ми заказ дуван бюхълай бур порталданийхчил, амма ми ласуншиврул ми дулайсса идаралийнгу биян багьлай бур. Электрон журалий дулайсса хIаллихшинну дур ялагу 18, миннуясса информация бур Госуслугарттал порталданий, амма ми ласунгу багьлай бур министерстварттал ва идарарттал сайтирдайхчил.

Яла чIяруми, сайки 250 журалул, хIаллихшинну ласун бюхълай бур МФЦ-лий, амма коронавирусрал тагьаргу хIисавравун ларсун, миккугу цаппара гьантрал хьхьичI заказру сияхIрайн ларсун, хъиривми гьантрай жавабрал хъирив бизан аьркинну бур (по предварительной записи).
Суаллу булун ва гъалатIирттая бусан бюхъантIиссар актив­сса чатрайхчил, ягу украсса телефондалувух: 8-800-100-70-10. Мобил тел: 115.