[dropcap]А[/dropcap]прель зурул 8-нний регионнал хъуниминнащалсса онлайн-заседаниялий Аьрасатнал Президент Владимир Путиннул бувсунни 33 миллиард ккаккан бувну бушиву

коронавирусрал азарданийн къаршину бацIансса, аьркинссаксса кIантту хIадур бувансса ва ялагу 13 миллиард ИВЛ ва реанимобильлу хIаласса медициналул техника ласунсса.

Ванал чIуручIав дурунни, иш багьарча, аьрасатнал азарханарду чIявусса къашайшалт кьамул буван хIадурну бикIан аьркиншиву, му мурадрай лябукку буну зун багьлай бушиву. Бувсунни коронавирусрал къашайми бусса азарханардайсса хIакинтуран, федерал доплата хIисаврай, зуруй 80 азарда къуруш харжирал ххи дуллалишиву, фельдшертуран ва медсестрахъан зуруй — 50 азарда къуруш, чIарамур медициналул персоналданун -25 азарда.

«Апрель зуруя байбивхьуну, шанма зуруйсса федерал доплатардугу дулунтIиссар нигьачIийсса тагьарданий зузисса цинявппа медициналул зузалтран», — увкунни Путиннул. Бувсунни мукунна, нигьачIисса тагьарданий зий буну тIий, анаварсса кумаграл станциялий зузиминнал харжругу гьаз буллалишиву: хIакинтуран- 50 азарда къуруш, фельдшертуран, медсестрахъан ва щупиртуран – 25 азарда къуруш. Му бакъассагу, короновирусрал ппурттуву азарханардай зузиминнан страховкардугу Аьрасатнал аьрали гужирдал составран ккаккан дурсса куннасса дикIантIишивугу бувсунни.

Президентнал аьрасатнал агьалинайнсса оьвчавриву цIуницIагу тавакъю бунни ссавурданий бацIан шаппа- шаппа, цуксса шацI куну бухьурчагу , цалсса цамур чаран бакъану тIий.

П. Рамазанова