Мушакъатминнал, пенсиялийн буккан чIун хьуминнал ва пенсионертурал ихтиярду ва социал гарантияртту цукун дуручлай бурив
кIул баву мурадрайсса ххал бигьавуртту дунни МахIачкъалаллал прокуратуралул.
[dropcap]Ч[/dropcap]IалачIи бунни МахIачкъалаливсса Бугьараминнаха ва мушакъатминнаха аякьалийсса центрданул № 442 федерал закондалул 13-мур статьялул тIалавшинна къадурурччуну душиву, Центрданий щаллу дурну дакъашиву цинявннаща ххал дан бюхъайсса информациялул ресурсру, яни мукунсса стендру лархъун дакъашиву Центрданул къатраву, цичIав бувсун бакъашиву СМИ-лий ва интернетраву, мукунма Центрданул официал сайтрай. Укуннасса закондалул тIалавшиннарду къадурурччусса кIанттурду хьунабавкьунни МахIачкъалаллал Агьали давурттал дузал баврил центрданий ва социал иширттал управлениялий. Вай идарарттал къадурурччуну дур паччахIлугърал органнал даву аьчну дикIаврил тIалавшинна. Шагьрулул прокуратуралул тIалав бувну бур идарарттал каялувчитурая кIицI лавгсса, закондалуцIун къабавкьусса кIанттурду букьан бан.
Аьзиз Дандамаев,
прокурорнал кумагчи
