Дагъусттаннал медициналул университетраву вай гьантрай вузрал хьхьичIунсса пишакартурая сакин бувсса call-центр тIивтIунни.

З. АьбдурахIманова
[dropcap]В[/dropcap]айннал коронавирусрацIун дархIусса цIанасса тагьардануву цала маслихIатирттайнусса кумаг буллантIиссар республикалул азарханардал пишакартуран. Укунсса хIукму бувунни ДГМУ-лул ректор Сулайман Маммаевлул, лахъай азардал, терапиялул, акушерствалул, гинекологиялул, геронтологиялул, анестезиологиялул ва реанимациялул кафедрардал хъунимигу гьуртту­сса батIаврий.

БатIаву тIитIлай, С. Маммаевлул кIицI бувна респуб­ликалул цIуллу-сагъшиврул аралуву зузиминнан кумагран тIитIлатIисса центр зунтIишиву хьхьугу, кьинигу.

«Жул профессортураясса кумаг бикIантIиссар захIматсса, ци азар дуссарив дурчIин захIмат хъанахъисса иширттаву рекомендациярду, консультациярду дуллалисса. ЦачIу архIал ци бувну хъинссарив ххал бигьлагьисса ва хъирив лаллалисса», — увкуна ректорнал.
Центрданул телефоннал номерду тIайла бувкссар азарханардал хъуними хIакинтурачIан.