Жулла республикалий «Доступная среда» тIисса Аьрасатнал Федерациялул паччахIлугърал программа щурущи дур­сса 2014 шиная 2018 шинайн дияннин мушакъатсса ягу занакьулу хьун захIматсса инсантуран кумагрансса кIулшивуртту дулайсса

идарарттай 273 оборудование дирхьуну дур, соцзащиталул идарарттай – 55, агьали давурттал щаллу бай идарарттай – 34, цIуллу-сагъшиврул идарарттай – 43, спортрал идарарттай – 44, культуралул идарарттай – 44 ва транспортрай – 4.

---

[dropcap]В[/dropcap]ай мурадру щаллу буллали­сса ДР-лул ЗахIматрал ва социал лябуккулул министерствалул мушакъатсса халкь щябикIан, аьркиннийн буцин ва биян бан машан ларсун дур 14 автотранспорт ва цайми шагьрурдайн нанийни самолетрайн гьаз бансса амбулаториялул лифт.
МахIачкъалаллал, Буйнакскаллал, Каспийскаллал, Къизилюртуллал ва Къизлардал кучардай ххуллурду лахъан бигьану бикIаншиврул укунсса инсантуран дирхьуну дур чIурду буллалисса светофорду. Чани чан­сса инсантурансса библиотекардан машан лавсун бур хасъсса луттирду, аудио-луттирду ва цаймигу аьркинсса хъус.

Мушакъатсса оьрчIру яхъа­нахъисса, дуклакисса идара­ттай ва программалул лагрулий дурну дур спортрал ва культуралул личIи-личIисса мероприятияртту.
Гьашинусса шиналгу ЗахI­матрал министерствалул пишакартурал дансса давурттал сияхI чIирисса дакъар.

ХIадур бувссар
З. АьбдурахIмановал