Дагъусттанлув, къумукь оьрчI, Вали Арсланаьлиев Щалагу Аьрасатнал жагьилтурал организациялул председательнал хъиривчуну ивтунни.

---

Бадрижамал Аьлиева
[dropcap]Я[/dropcap]нварьданул 25-26-нний Москавлив, Аьрасатнал Студентътурал кьинилун хас дурсса давурттавух, хьунни «Аьрасатнал студентътурал ва миннал сакиншиннардал ассоциация» (Аьрасатнал АСО) тIисса цIанилусса Щалагу Аьрасатнал жагьилтурал суккушиндарал батIаву.

Муний дунни ва шинал дувансса давурттал план ва кьамул бунни агьамсса хIукмурду. Микку Дагъусттаннал региондалул отделениялул председатель, Аьра­сатнал АСО-лул Центральный советрал член Вали Арсланаьлиев ивтунни Щалагу Аьрасатнал жагьилтурал организациялул председательнал хъиривчуну.

ХьхьичIва Вали ивкIссар ДГУ-лул Жагьилтурал ишир­тталсса бувайсса комитетрал каялувчину, мукуна зий ивкIссар ДР-лул Жагьилтурал иширттал­сса бувайсса министерствалий, 2016 шиная шийнай – Аьрасатнал АСО-лул ДРО-лул каялувчи, 2018 шиная шийнай – Центральный советрал член.

Дагъусттаннал жагьилтурал хьхьичIунсса вакилнан ккалли­сса Вали Арсланаьлиевлул уттинин къачансса наградартту ларсун дур, миннувух – Аьрасатнал Федерациялул Президентнал чулухасса Барчаллагьрал ча­гъар ва грамотагу.