Янсаврал кьанкь тачIаврагу къарищуннав

Янсаврал кьанкь тачIаврагу къарищуннав

Февраль зурул 14-нний Ккуллал райондалул Культуралул къатраву хьунни Авгъаннал дяъвилул гьурттучитуращалсса хьунабакьаву.

Шиккун увкIун ия кIия гьурттучи: Хъусращиял шяравасса Закарияев МахIаммадхIажи ва Ккуллал шяравасса Магъдиев Аьликьади.


Хьунабакьаврил мажлисрай гьуртту хъанай бия ялагу Ккуллал райондалул бакIчинал хъиривчу Давдиев Анатолий, райондалул Ветерантурал советрал председатель Загьидиев Аьбдул, аьралий къуллугъ кьабивтсса майор Хизриев Шамхал (ва цувагу гьуртту хьуссар 1999-ку шинал Дагъусттаннайн къачагътал ххявхсса дяъвилийгу), Райондалул собраниялул депутат, музейрал директор Абакаров ТIагьир.

Мажлис бачин бувну бия райондалул культуралул къатлул худрук МахIаммадова Асият. Мажлис тIитIлай, ванил кутIану бувсуна цукунсса чувшивуртту дур­ссарив жула жагьилтурал Авгъаннаву. Махъру мукунма лавхъуна: Давдиевлул, Хизриевлул, Загьидиевлул, Закарияевлул, Магъдиевлул, Абакаровлул. Мажлисрай ккаккан дурсса культуралул программалул балайрду увкуна: РайхIанат ХIажиевал, Шавлукь СалихIовал, Гулжагьра Рамазановал, Суджана АхIмадовал.

Читайте также: