Щалагу Аьрасатнаву нанисса «Пока сердца для чести живы» тIисса цIанилусса патриот акциялул лагрулий МахIачкъалалив Къумукьнал театрдануву
ва Дарбантлив Лазгиял театрдануву хьунни Росгвардиялул Ухссавнил Ккавкказуллал округрал штабрал аьрали оркестрданул ва Балайлул ва къавтIаврил ансамбльданул цачIусса концертру.
А. Аьбдуллаева
Концертирттай гьуртту хьунни ДР-лул культуралул министр Зарема Буттаева, кIивагу шагьрулул администрациярттал вакилтал, Росгвардиялул зузалт, дуклаки оьрчIру, студентътал.
Концертрал программа авадансса дия. Шикку увкунни жула халкьуннан ччянива ххира хьусса аьрали балайрду, дурцунни макьанну личIи-личIисса музыкалул инструментирттай, ккаккан дунни къавтIавуртту.
[dropcap]З[/dropcap]арема Буттаевал, хъамаллурахь барчаллагьгу увкуну, ДР-лул Культуралул министерствалул чулухасса наградартту дуллунни.
— Буттал кIанттул цIанийсса дяъвилий ххувшаву ларсун 75 шин шаврин хас дурсса укун ххаллилсса патриот акциялул дайдихьу жула республикалий шаву ва му ларайсса даражалий лагаву ккалли бансса ишри, — увкунни ванил.
