Дяъвилул оьрчIру

Ца кулпатрал оьрмулувасса
ца-кIива мутта

Ттун ва макьала чичин дакIнин къабагьанссия, ттула чIаххуврай яхъанахъисса дус Рамазанов Асланнул дакIнин къабувтссания.

Мунал увкуна: «Нава ЧIяйннал шяраву яхъанай уну, Бакуйнай гьаннин, хIисав дуллай, жула шяраву хъинну захIмат бувсса, ккаши-мякь ккавксса, дяъви байбивхьуну къуртал хьуннингу, гания махъгу, яхI кьацIул бувгьуну, колхозрал цIаний зий бивкIсса ца кулпат дакIния къабуккай.


Дяъви къуртал хьуну 75 шингу хъанай духьувкун, хъинну хьунссия кIа ХIайдархъал МахIаммадлул кулпатрал бакI­рачIан бувкIмуния чичирча», — куну. Асланнул тIимургу тIайлар куну, нава личIисса чичу акъанагу, бакIрайн лавсъссия бартбигьин му бигар.
Дяъвилул шиннардий, хъу­нисса захIматшивурттугу дур­хIуну, фронтрангу кумаг бан, мюрщисса оьрчIругу ччаннай бацIан бан, сайки жан дукканнин тIиссакссагу, зий бивкIсса хъинну чIявусса кулпатру бу­ссар, ЧIяйннал шяраву бакъагу, жула Лаккуйгу, Дагъусттаннайгу.
Дяъви байбишиннин ва кулпат­рал бутта ХIайдархъал МахIаммад райондалул хъуниминнал ивтун ия 2-мур ЦIувкIуллал ва ЦIущуллал лес­никну-къаралчину, вацIри ябаншиврул. Му даврий маэшат чанну буну, кулпатрал ахIвал ххуй бан, МахIаммад яла лавгун ия жяматрал гъаттарахIухчуну.


Гъараллу дакъа, гуж­сса къурагьшиву дагьсса ца шин дия. Жяматрал, гъарал лачIун даншиврул, дукъавай­сса къел да­къая: тту­кку дагьанттувух буруган буллай, оьрватIун хIажак дуллай, ссиллукьул кьяца бувну, ял­тту щин рутIлай ва цаймигу жура-журасса ритуаллу. Махъва-махъгу дакIнийн багьну бия гъаттарахIухчу бярав утан. Ахттакьун бивзун, гъаттара ша­ппай нанисса ппурттуву, бярнил ккурккайн ивсса хIухчу мукьа жагьилнал, ччанну-кару дургьуну, бярав палцI увуна. …Ча дуркссарив къакIулну, дурккуна ца ттуруллул къурхъ, ларчIуна гужсса гъарал…


Ва цувагу хъинну дакI хъинсса, аьраб­райгу чичин-буккин кIулсса инсан ивкIссар.
Гъараллу дакъа, гужсса къурагьшиву дагьсса ца шин дия. Жяматрал, гъарал лачIун даншиврул, дукъавайсса къел да­къая: тту­кку дагьанттувух буруган буллай, оьрватIун хIажак дуллай, ссиллукьул кьяца бувну, ялтту щин рутIлай ва цаймигу жура-журасса ритуаллу. Махъва-махъгу дакIнийн багьну бия гъаттарахIухчу бярав утан. Барщия-Бярухчил шайсса гъаттара Ухшия-Бярухчил хьун бувну, ХIайдархъал МахIаммад бярув утан бавтIун бия щала жямат. Ахттакьун бивзун, гъаттара шаппай нанисса ппурттуву, бярнил ккурккайн ивсса хIухчу мукьа жагьилнал, ччанну-кару дургьуну, бярав палцI увуна. Янналувува­сса МахIаммад бярату цукун-унугу гуж-балагьрай увккуна. Къархьуна, МахIаммад шавай ивну, янна даххана дансса хIал. Ча дуркссарив къакIулну, дурккуна ца ттуруллул къурхъ, ларчIуна гужсса гъарал. Агьали махIаттал хьуну ливчIуна га иширай. Ттула оьрмулуву кIукунсса иширайн я щуну акъа­ра на навагу.


ЛахIиннал бакIрай ХIасанхIусайн мар­ххалттанивун оьвкьун авчунни. Жула бу­сса чаралий ни­ттил ва нава уккан уварду. Чан­сса гинмай хьуну бивкIссания, Къаркъар-Муруллуйх ялавай 50 метралул лахъшиврийх ахьния багьан най бивкIун бияв. Чара къавхьуну, жува най бивкIсса ххуллийх махъунмай зана хьуру. Жущал­сса ккаччи тIурча, цIир-цIиргу тIий, шяравунмай лавгун, леххаву руртун дия жул ни­ттирссийн.


Гъаттарагу кьабивтун, Ма­хIамма чIал къавхьуну, цала ссурахъаврал кIункIу увну, Дянивмур Азиянавун лавгуна, цала мюрщи­сса шанма оьрчIгу кулпат Рукьижатлуйн тапшур бувну.
Дяъвигу къуртал хьуну, ла­ххиялул, дуки-хIачIиялул хъинну захIматсса шин дия 1949-кусса шин. Рукьижатлул колхозрал мюрш ризкьи ябуллан бакIрайн лавсуна, 14 шин хьусса арс ХIасанхIусайннущал, шяравату 7 километралул арх­сса ЛахIиннаялу тIисса мащилий. КIикку так гъаттара бакьинсса ца ппалгу, ца чIивисса яхьунсса къаттагу бикIайва. Цала бакIрачIан тани цуксса захIматсса кьинирду дуркIссарив буслай бусан хъанай бакъар душ Саимат.
— Та чIумал ттун дия 12 шин, ­уссин ХIасанхIусайннун – 15 шин. Шанма гьантта хьуна бувну хъунмасса марххала, бурцIин цIими хьунну ливчIун. Я гъа­ттаран дичинсса лазуни дакъая, я жува яхьунсса тагьар дакъая. Чаран бухлагаврил уссил, ппалнил магъуя ттала бувккун, аьвну зурчIай тIисса ганицIух гъилишиву дуллай буссияв. Пайда бакъая, жун багьуна шяравунмай биянсса хIарачат бан. УчIайсса инсан акъая. ЖучIава ца ккаччигу буссия, хъинну инсаннал хасият кIулсса. Бавчуру ЛахIинная бакIлавай, ххуллугу чIалай ба­къар, цIангу дур, марххалагу никирттайх лавай бихьлахьисса бур. Гужрай, цаннал ца ххюрхху буллай, уссу хьхьичI, бава хъирив, нава махъ най, бивру ЛахIиннал бакIрайн. КIикку цакуну ХIасанхIусайн марххалттанивун оьвкьун авчунни. Жула бусса чаралий ни­ттил ва нава уккан уварду. Чан­сса гинмай хьуну бивкIссания, Къаркъар-Муруллуйх ялавай 50 метралул лахъшиврийх ахьния багьан най бивкIун бияв. Чара къавхьуну, жува най бивкIсса ххуллийх махъунмай зана хьуру. Жущалсса ккаччи тIурча, цIир-цIиргу тIий, шяравунмай лавгун, леххаву руртун дия жул ниттир­ссийн. Ласгу аьрая зана къавхьуну, ца акъа акъасса арс­гу ивкIуну, жущалла яхъанай дикIайссия ни­ттирссу – Мустапахъал ПатIимат. Аьпабиву, буслай дия: «Ккаччи бувкIун, цIир-цIир тIий, дирчусса дукрагу къаласлай, хьулухунмай хъит тIий, нану тIисса кунма, аьра­ттал бувккун бия», — тIива. Цинма бувчIуну, кьини дурккун бухьун­сар куну, леххаву дуртссия тIива колхозрал правлениялийн. Жямат бувккун, бюхъайнал бюхъай­сса лазуни улахъирттай дирхьуну, ЛахIиннайн диян дуллай бивкIссар. Жу тIурча, кару-ччаннугу лигьулул хьуну, къашай хьуну бивкIссару.
Арулва классгу цукун-бунугу къуртал бувну, ттун багьуна фермалийн дояркану гьан. Уссугу колхозрал яттихIухчуну лавгуна. ЗахIматсса тагьар дия. Жула дусса буттал къатригу цIихъулул мицIлий дурсса дуну, хIура дур­ккун, лекьлай дия. Жун багьуна кIива-шанма журасса лаякъатравун бизан. Махъва-махъ ниттирссил ПатIиматлул къатраву яхъанан бивкIру, жуламур къатта-къуш хьуннин.
Уссил ва ттула хIарачатрайну, ятти-гъаттарая маэшат хьуну, ласарду жула ахIвалданун лавхьхьу­сса къатри, кIура бавру жула кюр­ттарайн. Уссил ХIасанхIусайннул кулпат бан­сса чIун хьуну дия. Нину-ппугу бакъа, цила захIматрай бакI бук­лай, дояркану фермалий зузи­сса ПатIимат тIисса душний дакI даркьуну, уссугу къатлул уварду. Навагу буссияв мува фермалий зий. Ттунагу ххуй ивзун ттула ссурахъу – нину-ппу дакъа хъуна хьу­сса оьрчI ТIалхIат, мунан щар хьу­ссияв. ЧIивимур ссу Зайнабгу Исакьхъал АьвдулхIалиннул арснан Сайпуттиннун щар буллу­ссия.
ТIалхIат дуклай уссия, Самаркьаннайсса кооператив институт къуртал буллай. Ниттил ва жу тавакъю бувссия танахь, оьрмулул хъунагу хьуну ухьувкун, тихва гъурбатрай личIайча, жула ппу МахIаммад шинай уцинсса иш бува куну. Цала ссурахъавраща уцлай-уцин къавхьусса бутта увцуну увкIуна. Лахъи къалавгун (алжан булуннав цан) ппугу аьпалу­хьхьун лавгуна.
Цила оьрмулуву ххари хьун­сса кьинирагу къаккарккун, жугу хъуни бувну, къатрал щаллу бувну, лахъи къаларгун, ахиратрал хьуна яхI-къириятрал виричу, жул нину – Рукьижат.
Ва кулпатрая чичларчан, сайки щаллусса кьисса хьун­ссия. Нарив бусав анжагъ цаппара эпизодру.
ТIалхIат АьвдурахIманхъал