[dropcap]Р[/dropcap]еспубликалул Халкьуннал творчествалул къатлуву хьунни Дагъусттаннал халкьуннал театрдал режиссертурансса семинар.
Бадрижамал Аьлиева
Муний гьуртту хьунни республикалул районнайсса ва шагьрурдайсса халкьуннал театрдал режиссертал.
Семинар хьунни Хъамакъабитулул ва славалул шинал, Ххувшаврил 75 шинал шадлугърайн хIадур шаврил, Аьрасатнал Халкьуннал аслийсса культуралул центрдал Республикалул фестивальданийн хIадур шаврил лагрулий, халкьуннал театрдал репертуар гьарта-гьарза даву, цIу-цIусса гьунарду ялун личин баву мурадрай.
Халкьуннал театрдал цIуну бихьлахьисса пьесардаву хъуннасса къулагъас дуллай бур Хъун дяъвилул темалуцIун бавхIуминнух.
Семинарданий халкьуннал театрдал каялувчитурайн тапшур бунни театрду мяйжаннугу «халкьуннал» тIисса цIанин лайкь хьусса бушиву тасттикь буллалисса чагъарду-документру.
