ЦIусса шинал хьхьичI Ккуллал райондалул администрациялул залдануву хьунни Райондалул Мажлисрал депутатьтурал ирглийсса сессия.
Сессиялий гьуртту хъанай бия шяраваллал бакIчитал ва райондалул идарарттал каялувчиталгу.
Мажлис бачин бувну ия Райондалул Мажлисрал депутатътурал председатель Гъази Оьмаров. Сессиялий ххал бигьлай бия гьашинусса урчIва зурул мутталийсса бюджетрал биттуршинна, райондалул бюджетрацIунсса дахханашивуртту.
Вай масъаларттан хас бувсса гьарта-гьарзасса ихтилат бувна райондалул финансирттал управлениялул каялувчи Кьурбан Амучиевлул.
Хьуна депутатътурал буллусса суаллан жавабру дулавугу. Ххал бивгьуна цаймигу райондалун хасъсса масъалартту.
