[dropcap]М[/dropcap]ахIачкъалаллал агьалиная бувкIсса аьрзардайн бувну ххал бигьавуртту дуллалисса шагьрулул прокуратуралул ашкара бувну бур аьрщарал хIакъиравусса закондалул хху­ттава бувксса кIанттурду.

МахIачкъалаллал «Кислородная станция» микрорайондалий­сса 450 кв.м.аьрщарал инсантурал цалалуш дурну дур. Хъиривлаявурттал чIалачIи бунни аьрщи цалашиврий дирхьусса документру къалпсса бушиву. Му бакъассагу, кIицI ларгсса аьрщарай дуллай бур 9 зивулий­сса къат­ри. Вай дан ихтияр дуллалисса документругу къалпсса бур.

Аьрщи шагьрулун зана даву ва закондалуцIун къабавкьуну дуллалисса къатри лекьан даву мурадрай, прокуратуралул шагьрулул Ленинский райондалул суд­райн буллуну бур аьрза. Ва ба­къассагу, прокуратуралул ххал бигьавурттайн бувну къалпсса докуметру баврил ва шагьрулул аьрщи цалалуш даврил хIакъираву сукку дурну дур уголов дело. Укунма­сса, шагьрулул аьрщи цалалуш дурсса, ишру ашкара хьуну бур Гагариннул цIанийсса кучалий ва Восточный базаллул чIарав. Вай иширттал хIакъиравугу, судирттайн аьрзардугу чивчуну, уголов делардугу сукку дурну дур. Шагьрулул администрациялул бакIчинайн чагъар гьан бувну бур аьрщарацIун бавхIусса закондалул ххуттава бувксса ишру букьан бан тIалавшинна дуллалисса.

Мурад Юсупов,
МахIачкъала шагьрулул
прокурорнал кумагчи