[dropcap]Л[/dropcap]акрал райондалул Магьирлугърал къатлуву хьунни Ниттихъал кьинилун хас дурсса шадлугъ. Муний гьуртту хьунни чIявусса оьрчIру бусса,
мушакъатсса оьрчIру бусса ва цивппалу оьрчIру хъуни буллалисса ниттихъул.
Зулайхат Тахакьаева
[dropcap]Н[/dropcap]иттихъул барча бан бувкIун бия райондалул Хъаннил советрал вакилтал, ЗАГС-рал ва опекалул органнал зузалт. Райондалул бакIчи Юсуп МахIаммадовлул цIания ниттихъул барча бунни мунал хъиривчу Абакар Къюннуевлул.
Ванал кIицI лавгунни райондалул хъаннил хъунмасса захIмат бивхьушиву буттал улча хьхьичIунмай баврил цIаний ва хIакьинусса кьинигу зий, захIмат буллай бушиву личIи-личIисса арардай.
— Ниттихъал хъуннасса даву дуллалиссар хъирив нанисса ник рувхIанийну ва мяърипат дуну тарбия дан, минная гьарца чулуха итххявхсса инсантал бан, — увкунни Абакар Къюннуевлул.
Муния махъ магьирлугърал зузалтрал ккаккан дурунни концерт.
