[dropcap]Н[/dropcap]а, Сковородин Сергей Николаевич, Дугъусттаннал миллатрал виричу, аьрали иширттал ветеран,
цIанасса чIумал МВД-лул пенсионер, оьвчаву дуллай ура 2019 шинал ноябрь зурул 13-нний дуснакь увсса Муслим МахIаммадович Даххаевлул хIакъираву.
[dropcap]М[/dropcap]услим кIулссар ттун 1999 шинал сентябрь зуруя шихунай. Жу кIул хьуссару Дагъусттаннай, ЦIуссалакрал шяраву, на Липецкаллал ОМОН-лий каялувшиву дуллалисса чIумал. ЦIанасса чIумалгу на ккалли ара Муслим Даххаев Дагъусттаннаясса ттула уссийн.
1999 шинал сентябрь зурул 5-нний ЦIуссалакрал шяраву на каялувшиву дуллалисса кьюкьа боевиктурал вив ларсуна. Лагма рургьусса душманнащал талай жул ца гьантта хьуна.
Жу мичча сагъну къабукканссияв, жун кумаг бан му ппурттуву цала зузалтращал архIал Муслим Даххаев къаувкIссания.
[dropcap]Ч[/dropcap]Iявуссаннан кIулссар, га чIумал полевой командир Басаевлул Даххаевлухь тIий ивкIмур. Ххуллугу тIивтIуну, жу ина вила зузалтращал паракьатну шярава уккан итанну, хIатта зущала ярагъгума ласун битанну, агарда ина Липецкаллал ОМОН цахьхьунма булурча», — увкуссар мунал. Амма Муслим цукунчIав рязи ан къавхьуссар.
2001 шинал май зуруя айивхьуну, 2006-ку шинал апрель зуруйн бияннин, Дагъусттаннал виваллил иширттал министрнал оьвкуну, на къуллугъ буллай уссияв Дагъусттаннай – каялувшиву дуллай уссияв Дагъусттаннал ва Чачаннал дазу дуручлачисса Къизлардал РОВД-лул ППСМ-рал батальондалий. Ми шиннардий на хъиннува хIала-гьурттуну уссияв Муслим Даххаевлущал. Муслим мудангу закондалул къаралданий авцIусса инсан ия.
[dropcap]М[/dropcap]у, цала гуж-каши диял хъанахъиссаксса, тIайладакъашивурттащал талай ия. Мунияту му оьрмулуцIа ан кьаст лархIусса ишругу хьуна. Къуллугъ кьабивтун махъгу на Муслимлущал хIала-гьурттуну ивкIра. Муслим Даххаев увгьуну махъ кказитирттай, хаснува соцсетирдай, ппив буллан бивкIунни мунал хIакъиравусса чапалсса хаварду. Хъунмасса хIарачат буллай бур тачIав тахсиркартурахьхьун рай къабуллусса аьрали хIаписар чапал ан.
Я на, я ттул аьралитал къавихру Муслим Даххаевлуй тахсир бушиврийн. На вихну ура силистталул мунай тахсир бакъашиву тасттикь баншиврийн ва бусравсса аьрали хIаписарнал цIа марцIну личIаншиврийн.
Сергей Сковородин,
Дагъусттаннал Миллатрал виричу, 1999 шинал Дагъусттаннай бивкIсса Липецкаллал ОМОН-лул командир
